પ્રાપ્ત જાણકારી અનુસાર, ટિક ટોક પર પોતાની અદાઓથી લોકોનું દિલ જીતનારી સિયા કક્કડ જલ્દીજ મ્યૂઝિક વીડિયોમાં ડેબ્યૂ કરવાની હતી.
એબીપી ન્યૂઝ અનુસાર, મ્યૂઝિક વીડિયોનું શૂટિંગ લોકડાઉન બાદ શરુ થવાનું હતું અને તેને લઈને સિયા ખૂબજ ખુશ અને ઉત્સાહિત હતી. 11માં ધોરણની વિધ્યાર્થી સિયાના આ મ્યૂઝિક વીડિયોને મીટ બ્રધર્સની મ્યૂઝિક કંપની ‘એમબી મ્યૂઝિક’ દ્વારા બનાવવાનો હતો.
સિયા કક્કડના મેનેજર અર્જૂન સરીને જણાવ્યું કે, ગઈ કાલે સાંજે જ 6-7 વાગ્યાની આસપાસ મારી સિયા સાથે વિવિધ કેમ્પેઈનને લઈને વાત થઈ હતી, તે દરમિયાન તે બિલકુલ હતાશ લાગતી નહોતી. તેની વાતો પરથી મને એવું બિલકુલ ન લાગ્યું કે તણાવમાં છે. તે ખૂબજ સિમ્પલ અને પોતાના કામ પર ધ્યાન આપનારી છોકરી હતી.