Mission Impossible Dead Reckoning: ટોમ ક્રૂઝ નવા મિશન: ઇમ્પોસિબલ - ડેડ રેકનીંગ ભાગ 1 ટ્રેલરમાં IMF એજન્ટ એથન હન્ટ તરીકે પાછો ફર્યો છે. જબરદસ્ત સ્ટન્ટ્સ સાથેનું નવું ટ્રેલર જોઈને લાગે છે કે આ સ્ટાર માટે સૌથી પડકારજનક મિશન હશે. ટ્રેલરની શરૂઆત એજન્ટ એથન હંટની બાઇક એન્ટ્રીથી થાય છે. જે પોતાની બાઇકને ખડકના એક છેડે લઈ જઈને રોકે છે. આ ટ્રેલરમાં એજન્ટ યુજેન કિટ્રિજ એથનને ચેતવણી આપતા જોવા મળે છે કે આ મિશન તેને મોંઘુ પડશે. તે એટલા માટે છે કારણ કે એથન અને તેની ટીમ મનુષ્યોનો નાશ કરવા માટે રચાયેલ હથિયારને ટ્રેક કરવાનો પ્રયાસ કરે છે.
મિશન: ઇમ્પોસિબલ-ડેડ રેકનિંગ પાર્ટ 1નું ટ્રેલર રિલીઝ
આ નવા મિશનમાં ટોમની સાથે વિંગ રેમ્સ, સિમોન પેગ, રેબેકા ફર્ગ્યુસન અને વેનેસા કિર્બી પણ જોવા મળશે. ટ્રેલર જોઈને મિશનની સંપૂર્ણ વાર્તા સમજવી મુશ્કેલ છે. પરંતુ તે સ્પષ્ટ છે કે તે એક્શનથી ભરપૂર, આશ્ચર્યજનક સેટ પીસ અને થ્રિલરથી ભરેલું છે. 'મિશનઃ ઈમ્પોસિબલ'નું ટ્રેલર બુધવારે (17 મે)ના રોજ યુટ્યુબ પર રિલીઝ કરવામાં આવ્યું હતું જેને દર્શકોએ ખૂબ પસંદ કર્યું હતું. જ્યારે કેટલાક ચાહકો ટોમ ક્રૂઝની વાપસી પર ખુશી વ્યક્ત કરી રહ્યા છે, તો કેટલાક નવા મિશનની રિલીઝને લઈને ઉત્સાહ બતાવી રહ્યા છે અને આતુરતાથી રાહ જોઈ રહ્યા છે.
ઓડિયો રેકોર્ડિંગ 2020માં લીક થયું હતું
'મિશનઃ ઈમ્પોસિબલ - ડેડ રેકનિંગ પાર્ટ 1'ની રિલીઝને ઘણી સમસ્યાઓનો સામનો કરવો પડ્યો હતો. આ ફિલ્મ 2019ની શરૂઆતમાં બનાવવાની જાહેરાત કરવામાં આવી હતી, જોકે કોવિડ-19 રોગચાળાને કારણે શૂટિંગમાં વિલંબ થયો હતો, અને 2020ના અંત સુધીમાં ટોમ ક્રૂઝનું એક ઓડિયો રેકોર્ડિંગ લીક થયું હતું જેમાં તે બે ક્રૂ મેમ્બર્સ પર બૂમો પાડતો જોવા મળ્યો હતો. અને અપશબ્દો પણ સાંભળવા મળ્યા હતા. આ તે રેકોર્ડિંગ હતું જ્યારે તે અને ક્રૂ ડિસેમ્બર 2020માં ઈંગ્લેન્ડમાં ફિલ્મ માટે શૂટિંગ કરી રહ્યા હતા. આ તમામ અડચણો બાદ આખરે ફિલ્મનું શૂટિંગ સપ્ટેમ્બર 2021માં પૂર્ણ થયું હતું.
'ડેડ રેકનિંગ પાર્ટ 2 2024માં રિલીઝ થશે'
અમે તમને જણાવી દઈએ કે મિશન ઈમ્પોસિબલ - ડેડ રેકનિંગઃ પાર્ટ વન ક્રિસ્ટોફર મેક્વેરી દ્વારા લખાયેલ અને નિર્દેશિત ફિલ્મ છે જે 12 જુલાઈના રોજ રિલીઝ થશે. આ સિવાય 'ડેડ રેકનિંગ પાર્ટ ટુ' પણ આવતા વર્ષે 28 જૂન, 2024ના રોજ રીલિઝ થવા જઈ રહી છે અને એવું કહેવામાં આવી રહ્યું છે કે એથન હન્ટ તરીકે ટોમનું આ છેલ્લું ચેપ્ટર હશે.