ખાનગી મીડિયા સાથે વાતચીત કરતા ઇન્ટરવ્યૂમાં કવિતા કૌશિકે ક્યારેય માતા ન બનવાના નિર્ણય વિશે વાત કરી જે તેણે પતિ રોનિત બિસવાસ સાથે મળીને લીધો છે. કવિતાએ કહ્યું કે, ‘હું બાળકો સાથે અન્યાય નથી કરવા માંગતી. હું 40ની ઉમરે મા બનીશ તો જ્યારે મારો દીકરો અથવા દીકરી 20ની ઉમરના થશે તો અમે વૃદ્ધાવસ્થામાં પ્રવેશ કર્યો હશે અને હું નથી ઇચ્છતી કે માત્ર 20 વર્ષની ઉમરમાં મારા બાળક એક વૃદ્ધ મા-બાપની જવાબદારીઓ હેઠળ દબાઈ જાય.’
કવિતાએ કહ્યું કે, ‘અમે દુનિયાને શાંત રાખવા માંગીએ છીએ. અમે નથી ઇચ્છતા કે પહેલાથી ભીડથી ભરાયેલી દુનિયાનો વધુ વિસ્તાર કરીએ. રોનિતે તેના મા-પિતાને ત્યારે ગુમાવ્યા હતા જ્યારે તેઓ ખૂબજ નાનો હતો. જ્યારે મારી સાથે પણ એવું જ થયું હતું. એકમાત્ર દીકરી હોવાના કારણે પરિવારને સપોર્ટ કરવા મારે ઘણી મહેનત કરવી પડી.’ ઉપરાંત તેને કહ્યું કે, ‘અમે અમારા જીવનને એક બાળકની જેમ એન્જોય કરી રહ્યા છીએ. અમે એક-બીજા સાથે ક્યારેક મા-બાપ જેવો વ્યવહાર પણ કરીએ છીએ તેથી અમને બાળકની કમી અનુભવ થતી નથી.’