મીડિયા રિપોર્ટમાં થઈ રહેલા દાવાઓ અંગે હવે ખુદ એક્ટર વિજય દેવરાકોંડાએ પોતાની પ્રતિક્રીયા આપી છે. વિજયે એક ટ્વીટ કરીને આ અંગે પોતાની વાત મુકી છે.
વિજય દેવરાકોંડા અને રશ્મિકા મંદાના હાલના દિવસોમાં ચર્ચાઓમાં છે. આ બંને એક્ટર્સ પોતાના સંબંધ અંગે ચર્ચામાં રહી ચુક્યા છે. થોડા દિવસ પહેલાં જ સમાચાર વહેતા થયા હતા કે, વિજય અને રશ્મિકા ટૂંક સમયમાં પોતાના આ સંબંધને અંજામ સુધી પહોંચાડવા માંગે છે અને 2022ના અંત સુદીમાં લગ્ન કરવાના છે. મીડિયા રિપોર્ટમાં થઈ રહેલા આ દાવા અંગે હવે એક્ટર વિજય દેવરાકોંડાએ પોતાની પ્રતિક્રીયા આપી છે.
વિજયે આ બધા દાવાઓને નકાર્યા છે અને 'નોનસેંસ' ગણાવ્યા છે. વિજય દેવરાકોંડાએ ટ્વિટર પર પ્રતિક્રીયા આપતાં લખ્યું કે, 'એજ યુઝ્વલ નોનસેન્સ' એટલે કે દર વખતની જેમ જ બકવાસ.. જો કે, વિજયના આ ટ્વિટથી એક વાત તો સ્પષ્ટ થઈ ગઈ છે કે, મીડિયાના દાવાઓથી ઉલટ વિજય અને રશ્મિકા ફક્ત એક સારા મિત્રો છે અને આ વર્ષના અંતમાં લગ્ન કરવાની વાત ફક્ત બકવાસ છે.
હવે આ બંને એક્ટરની કરિયરની વાત કરીએ તો, વિજય દેવરાકોંડા પોતાની આવનારી ફિલ્મ 'લાઈગર'ને લઈને ચર્ચામાં છે. આ ફિલ્મ સાથે વિજય બોલીવુડમાં ધમાકેદાર ડેબ્યુ કરી રહ્યો છે. આ ફિલ્મ પૈન ઈન્ડિયા રિલીઝ થઈ રહી છે. લાઈગર ફિલ્મમાં વિજયની સાથે એક્ટ્રેસ અનન્યા પાંડે પણ નજર આવશે.
રશ્મિકા મંદાનાની વાત કરીએ તો, તે પણ જલ્દી જ બોલીવુડમાં ડેબ્યુ કરવા જઈ રહી છે. મીડિયા રિપોર્ટ અનુસાર રશ્મિકા પાસે બે બોલીવુડ ફિલ્મો છે જેમાં પહેલી ફિલ્મ 'મિશન મજનુ' છે. આ ફિલ્મમાં રશ્મિકા સાથે એક્ટર સિદ્ધાર્થ મલ્હોત્રા જોવા મળશે. આ સિવાય રશ્મિકા મંદાના ફિલ્મમેકર વિકાસ બહલની આવનારી ફિલ્મ 'ગુડ બાય'માં પણ દેખાશે. આ ફિલ્મમાં અમિતાભ બચ્ચન પણ મુખ્ય ભૂમિકામાં હશે.