ગુજરાત સરકાર ફક્ત હજાર રૂપિયામાં આપશે ટેબલેટ, જાણો ક્યારથી અને કેવી રીતે મેળવી શકશો

સરકાર એક સાથે સાડા ત્રણ લાખ ટેબ્લેટ ખરીદી રહી હોવાથી વેરા સાથે તેની પડતર કિંમત રૂપિયા 5600 જેટલી થશે. ટેબ્લેટ પર એક વર્ષની વોરંટી મળશે. આ પ્રોજેક્ટ યુવા વર્ગને આકર્ષવા હોવાથી વિતરણ પૂર્વેની તડામાર તૈયારી ચાલી રહી છે.

બી.એ., બી.કોમ., બી.એસ.સી., બી.બી.એ., એન્જીનીયરીંગ, મેડીકલ સહિત કોઈ પણ ક્ષેત્રમાં આગળના અભ્યાસક્રમ માટે એડમિશન લેનાર વિદ્યાર્થીઓને સ્ટાન્ડર્ડ કંપનીના ટેબ્લેટ માત્ર રૂપિયા 1000માં આપવામાં આવશે.

મુખ્યમંત્રી વિજય રૂપાણીની હાજરીમાં ભવ્ય સમારંભ યોજી ટેબ્લેટ વિતરણનો પ્રારંભ કરવામાં આવશે. વિદ્યાર્થીઓને ટેબ્લેટ માટે સરકારે રૂપિયા 200 કરોડની જોગવાઈ કરી છે. આ યોજના હેઠળ લગભગ સાડા ત્રણ લાખ વિદ્યાર્થીઓને રાહત દરે ટેબ્લેટ મળશે.

નીતિન પટેલે કહ્યું કે, ગુજરાતનું યુવાધન પોતાની બુદ્ધિ અને કુશળતાથી વિશ્વમાં ડંકો વગાડવાની હામ રાખે છે. તેમની ક્ષમતાને સાકાર કરવા અને વૈશ્વિક જ્ઞાન સાથે તેમની જોડીને સશક્ત કરવા અમારી સરકારે આ નિર્ણય કર્યો છે. ટેબ્લેટ આપવા માટે 200 કરોડની જોગવાઈ કરવામાં આવી છે.

નીતિન પટેલે કરેલી જાહેરાત પ્રમાણે ગુજરાતમાં આ વર્ષે ધોરણ 12ની બોર્ડની પરીક્ષામાં ઉત્તીર્ણ થઈ કોલેજો અને પોલીટેકનિકમાં પ્રવેશ મેળવનાર અંદાજે 3,50,000 જેટલા તમામ વિદ્યાર્થી ભાઈ-બહેનોને ફક્ત 1000 રૂપિયાની ટોકન કિંમતે ટેબ્લેટ આપવામાં આવશે.

ગાંધીનગરઃ ગુજરાત સરકાર દ્ધારા યુવાઓને ફક્ત 1000 રૂપિયાની ટોકન કિંમતે આઠ હજાર રૂપિયાની કિંમતનું નમો ટેબલેટ આપવાની જાહેરાત કરી છે. આ ટેબલેટ ગુજરાત બોર્ડની ધોરણ 12ની પરીક્ષા પાસ કરી કોલેજો અને પોલિટેકનિકમાં પ્રવેશ મેળવનારા વિદ્યાર્થીઓને આપવામાં આવશે.સરકારના કહેવા પ્રમાણે, ટેબલેટ મેળવવા માંગતા વિદ્યાર્થીઓએ પોતાની કોલેજ કે સંસ્થાનો સંપર્ક કરો.

આ અગાઉ ગુજરાતના નાયબ મુખ્યમંત્રી નીતિન પટેલે ધોરણ 12 પછીના અભ્યાસક્રમોમાં ભણતા વિદ્યાર્થીઓને રાહત દરે ટેબ્લેટ આપવાની જાહેરાત કરી હતી. આ માટે વિદ્યાર્થીઓએ માત્ર 1000 રૂપિયાની રકમ આપવી પડશે.

આ માટે ગુજરાત સરકાર દ્ધારા 200 કરોડ રૂપિયાનું બજેટ ફાળવવામાં આવ્યું છે. એક રિપોર્ટ પ્રમાણે, અંદાજે 3,50,000 વિદ્યાર્થી ભાઇ-બહેનોને આ યોજનાનો લાભ આપવામાં આવશે.