ગીતા રબારીના ‘રોણા શેરમા’ ગીતને મળ્યા 20 કરોડ વ્યૂઝ, મળ્યું વર્લ્ડ રેકોર્ડ ઈન્ડિયા બુકમાં સ્થાન, જાણો વિગત

કચ્છઃ લોકપ્રિય ગીત ‘રોણા શેરમા રે....’થી માત્ર ગુજરાતમાં જ નહીં વિદેશમાં પણ જાણીતી થયેલી કચ્છની સિંગર ગીતા રબારીને વર્લ્ડ રેકોર્ડ ઇન્ડિયા બુકમાં સ્થાન મળ્યું છે. 20 મહિના પહેલા રિલીઝ થયેલા આ ગુજરાતી સોંગને 20 કરોડથી વધારે વ્યૂઝ મળ્યા છે.

જેના કારણે મેક્સિમમ ગુજરાતી falk song on youtube વર્લ્ડ રેકોર્ડ ઇન્ડિયામાં સ્થાન પ્રાપ્ત થયું છે. જેને લઈ ગીતા રબારીને વર્લ્ડ રેકોર્ડ ઇન્ડિયાના પ્રતિનિધિ દ્વારા સર્ટિફિકેટ તથા મેડલ એનાયત કરવામાં આવ્યા હતા.

મેડલ દર્શાવતી ગીતા રબારી.

ગીતા રબારીને વર્લ્ડ રેકોર્ડ ઇન્ડિયાના પ્રતિનિધિ દ્વારા સર્ટિફિકેટ એનાયત કરવામાં આવ્યું હતું.

આ વર્લ્ડ રેકોર્ડમાં પોતાનું નામ અંકિત થયા બાદ ગીતા રબારી જણાવ્યું કે થોડા દિવસો પહેલા એન.આર.આઈ ફેસ્ટિવલમાં તેમનું સન્માન કરાયું હતું. વર્લ્ડ રેકોર્ડ અંગે માર્ગદર્શન પણ મેળવ્યું હતું અને સ્થાનિકના વર્લ્ડ રેકોર્ડના જજીઝને ડોક્યુમેન્ટ પણ આપ્યા હતા.