હવે દારૂ ખરીદવું બનશે મુશ્કેલ, આપવું પડશે ફરજિયાત આધાર કાર્ડ

નવી દિલ્લી: હવે જો હૈદરાબાદમાં તમારે દારૂ ખરીદવો હશે તો આધાર કાર્ડ દેખાડવું ફરજિયાત છે. તેલંગાના રાજ્યના એક્સાઈઝ ડિપોર્ટમેંટે પબમાં દારૂ ખરીદવા માટે આધાર કાર્ડ કે કોઈ પણ ઓળખ કાર્ડ દેખાડવું અનિવાર્ય બનાવી દીધું છે. હાલમાં એક સગીર દ્વારા સગીર છોકરીની હત્યા કર્યા પછી આ નિર્ણય લેવામાં આવ્યો છે.

તમને જણાવી દઈએ કે 17 વર્ષીય વિદ્યાર્થીની હત્યા તેની સાથે ભણનાર એક 17 વર્ષીય વિદ્યાર્થીએ કરી હતી. આ ઘટના પછી પબમાં સગીરો દારૂ વહેચવા ઉપર પણ પ્રતિબંધ લગાવી દીધો છે. આ આદેશ વિશે શહેરના તમામ પબને એવી સૂચના આપવામાં આવી છે કે 21 વર્ષથી ઓછી ઉંમરના છોકરા-છોકરીઓને અંદર પ્રવેશવા કે દારૂની વહેંચણી કરવી નહીં.

ઉલ્લેખનીય છે કે કેંદ્ર સરકાર આધાર કાર્ડને તમામ જરૂરી સેવાઓ માટે અનિવાર્ય કરવાની તૈયારી કરી રહી છે. મોબાઈલ અને પાન કાર્ડને પણ આધાર સાથે લિંક કર્યા પછી સરકાર ડ્રાઈવિંગ લાઈસન્સ સાથે પણ આધારને જોડવાની તૈયારી કરી રહી છે. હાલમાં સૂચના પ્રૌદ્યોગિકી મંત્રી રવિ શંકરે કહ્યું હતું કે તે ડ્રાઈવિંગ લાઈસન્સને પણ આધાર સાથે જોડવા પર વિચાર કરી રહ્યા છે. તેમને કહ્યું કે આ સંબંધમાં તેમને પરિવહન મંત્રી નિતિન ગડકરી સાથે પણ વાતચીત કરી છે.