એર ઈન્ડિયાનું ટ્વીટર એકાઉન્ટ હેક, તુર્કી ભાષામાં કર્યું ટ્વીટ

સૂત્રોના જણાવ્યા પ્રમાણે હેકિંગ પાછળ તુર્કીની સાઈબર આર્મી Ayildiz Timનો હાથ છે. આ ગ્રૂપે આ પહેલાં પણ ઘણાં ટ્વિટર એકાઉન્ટ હેક કર્યા હોવાનો આરોપ છે. હેકર્સે એર ઈન્ડિયાના ટ્વિટર એકાઉન્ટથી વિવાદિત ટ્વિટ કરવાની સાથે સાથે તેનું નામ પણ બદલી દીધું છે. તેના કારણે તેના હેંડલથી વેરિફાઈડ બ્લૂ રંગનો માર્ક પણ હટાવી દીધો છે.

એર ઈન્ડિયાનું ટ્વિટર હેન્ડલ એકાઉન્ટ હેક કર્યા પછી આ એકાઉન્ટથી તુર્કી ભાષામાં આતંકવાદને સમર્થન કરતી ટ્વિટ કરવામાં આવી હતી. ટ્વિટ પછી જે રિટ્વિટ આવ્યા તેમાં લખવામાં આવ્યું હતું કે,તમારુ એકાઉન્ટ ટર્કિશ સાઈબર આર્મી Ayildiz Tim દ્વારા હેક કરી લેવામાં આવ્યું છે. તમારો જરૂરી દરેક ડેટા પણ જપ્ત કરી લેવામાં આવ્યો છે.

નવી દિલ્લી: દેશની સરકારી એરલાઈન્સ એર ઈન્ડિયનું ટ્વિટર એકાઉન્ટ હેક થયું હોવાની ઘટના સામે આવી છે. ગુરુવારે ટર્કિશ હેકર્સે એર ઈન્ડિયાનું ટ્વિટર એકાઉન્ટને હેક કરી લીધું છે. ત્યારબાદ એર ઈન્ડિયાના એકાઉન્ટ પર ફોટો અને ખોટી ટ્વિટ પોસ્ટ કરવામાં આવી હતી. હેકર્સે ખોટી માહિતી ફેલાવાના હેતુથી લખ્યું કે, એક જરૂરી સુચના, અમારી બધી ફ્લાઈટ કેન્સલ કરી દીધી છે. અમે હવે તુર્કીની એરલાઈન્સ સાથે ઉડાણ કરીશું.