ઝારખંડમાં 17 વર્ષની છોકરીને હવસનો શિકાર બનાવીને પેટ્રોલ છાંટી જીવતી સળગાવાઈ

આ પહેલા ચતરામાં એક સગીર યુવતીનો રેપ કરીને તેની હત્યા કરવાનો મામલો સામે આવ્યો હતો. આ મામલે શનિવારે પોલીસે 15 આરોપીનીઓની ધરપકડ કરી હતી.

ઝારખંડમાં એક સપ્તાહની અંદર આ બીજી ઘટના સામે આવી છે જેમાં આરોપીએ યુવતીનો રેપ કરીને તેની હત્યા કરવાનો પ્રયત્ન કર્યો હોય.

પાકુર જિલ્લાના કલેક્ટર અને એસપીએ જણાવ્યું કે, યુવતીની સારવાર માટે પરિવારને 20 હજાર રૂપિયાની મદદ કરવામાં આવી છે. તેણે કહ્યું કે, પ્રશાસન પીડિતાની સારવાર માટે શક્ય એટલી મદદ કરશે.

સારવાર માટે યુવતીને પશ્ચિમ બંગાળની માલતા હોસ્પિટલમાં ભરતી કરવામાં આવી છે. બીજી બાજુ પોલીસે આરોપીની ધરપકડ કરી છે. આ કેસની સુનાવણી ફાસ્ટ ટ્રેક કોર્ટમાં થશે.

નવી દિલ્હીઃ ઝારખંડના પાકુર જિલ્લાના એગ ગામમાં સગીર યુવતી સાથે રેપ કર્યા બાદ તેને જીવતી સળગાવી દેવાની ઘટના સામે આવી છે. આ ઘટના પાકુર જિલ્લાના કંકરબોના ગામની છે જ્યાં આરોપીએ 16 વર્ષની યુવતીનો રેપ કરી તેને જીવતી સળગાવી દીધી. જાણકારી અનુસાર યુવતી 70 ટકા સળગી ગઈ છે અને હાલમાં તેની સ્થિતિ ગંભીર છે.