આસામની આ ખૂબસૂરત મહિલા ધારાસભ્યે વિધાનસભામાં જ ફીડીંગ રૂમ બનાવવા કરી માગણી, જાણો વિગત

પ્રથમવાર ધારાસભ્ય બનેલી અંગૂરલતાએ 3 ઓગસ્ટના રોજ બાળકીને જન્મ આપ્યો હતો. આસામી ફિલ્મોની જાણીતી 31 વર્ષીય એક્ટ્રેસ અંગૂરલતાએ કહ્યું કે, 4 સપ્ટેમ્બરથી શરૂ થયેલા ચોમાસુ સત્ર દરમિયાન તેને પોતાના ઘર સુધી અનેક ચક્કર લગાવવા પડી રહ્યા છે.

આસામની એક ધારાસભ્યએ વિધાનસભામાં બાળકોને દૂધ પીવડાવવા માટે એક અલગ રૂમ બનાવવાની માંગ કરી હતી.ધારાસભ્ય અંગૂરલતા ડેકાએ આ માંગણી કરી છે. તેમના કહેવા પ્રમાણે, વિધાનસભામાં ફીડિંગ રૂમ હોવો જોઇએ જેથી તેની એક મહિનાની બાળકીને ભૂખ્યું ના રહેવું પડે.

નવી દિલ્હીઃ આ વર્ષની શરૂઆતમાં ઓસ્ટ્રેલિયન સાંસદ લરિસ્સા વોટર્સે દેશની પ્રથમ રાજનેતા બની ગઇ હતી જેણે પોતાની નવજાત બાળકને સંસદમાં બ્રેસ્ટ ફિડિંગ કરાવ્યું હતું. છેલ્લા વર્ષે ઓસ્ટ્રેલિયામાં સંસદમાં મહિલાઓને સંસદમાં દૂધ પીવડાવવાની મંજૂરી આપવામાં આવી હતી. ઓસ્ટ્રેલિયા બાદ ભારતમાં પણ આ પ્રકારનો કાયદો લાવવાની માંગણી ઉઠી રહી છે.

અંગૂરલતાના કહેવા પ્રમાણે, હું એમ નથી કહેતી કે ઓસ્ટ્રેલિયા જેવો કાયદો આપણે અહીં પણ બનાવવામાં આવે પરંતુ હું ઇચ્છું છું કે તન્ઝાનિયન સંસદની જેમ આપણે અહીં ખાસ રૂમ બનાવવામાં આવે જ્યાં મારા જેવી માતાઓ પોતાના બાળકની સારસંભાળ રાખી શકે.