મુંબઈઃ ભાજપે શરૂ કર્યો સાયકલ પર પ્રચાર, શાઈના એનસી નિકળ્યાં સાયકલ લઈને, જુઓ તસવીરો

મુંબઈ મહાનગરપાલિકાની ચૂંટણીમાં મતદાનનો દિવસ (21 ફેબ્રુઆરી) નજીક આવી રહ્યો છે ત્યારે દરેક રાજકીય પક્ષના ઉમેદવારો મતદારોને પોતાની તરફ આકર્ષવા માટે નીત નવા ગતકડા કરી રહ્યા છે.

ભારતીય જનતા પાર્ટીનાં મુંબઈ એકમનાં પ્રવક્તા અને ફેશન ડિઝાઈનર શાઈના એન.સી.એ દક્ષિણ મુંબઈમાં સી.પી. ટેન્ક, માધવબાગ તથા આસપાસના મહોલ્લાઓમાં પક્ષના ઉમેદવાર અતુલ શાહની સાથે સાઈકલ પર બેસીને પ્રચાર કર્યો હતો.

ચૂંટણી પ્રચારની સાથે સ્વચ્છ પર્યાવરણ, સ્વચ્છ શહેર ઝુંબેશને ઉત્તેજન માટેનો પણ હતો. 220 નંબરના આ વોર્ડમાં અતુલ શાહ ત્રણ મુદતથી નગરસેવક તરીકે ચૂંટાતા શિવસેનાના સુરેન્દ્ર બાગલકરની સામે ઊભા છે.