યૂપી પેટા ચૂંટણીમાં હાર બાદ ભાજપના ધારાસભ્યએ લખી કવિતા, યોગી પર સાધ્યું નિશાન

આ ચૂંટણી જીતવા માટે ભાજપે તમામ તાકાત લગાવી હતી પરંતુ સંયુક્ત વિપક્ષની સામે ભાજપના મૃગાંકા સિંહ આરએલડીની તબસ્સૂમની સામે હારી ગયા.

ઉલ્લેખનીય છે કે ચાર લોકસભા અને 10 વિધાનસભા બેઠકો માટેના ગુરૂવારે પરિણામ આવ્યું જેમાં ભાજપને માત્ર પાલઘર લોકસભા અને ઉત્તરાખંડની થરાલી બેઠક જ જીતી શકી છે. પાર્ટી ઉત્તર પ્રદેશમાં કૈરાના લોકસભા બેઠક પણ ન સાચવી શકી.

નવી દિલ્લી: પેટા ચૂંટણીમાં ભાજપની હાર બાદ માત્ર સાથી પક્ષો જ નહી પરંતુ પોતાના પણ ભાજપ પર નિશાન સાધી રહ્યા છે. હરદોઈના ગોપામઉથી ભાજપના ધારાસભ્ય શ્યામ પ્રકાશે પેટા ચૂંટણીમાં ભાજપની હાર બાદ પોતાના ફેસબૂક પર પાર્ટી પર તીખી પ્રતિક્રીયા આપી છે.

ધારાસભ્ય શ્યામ પ્રકાશે પોતાની પાર્ટીના અધ્યક્ષને ભ્રષ્ટ અને સરકારને ફેલ ગણાવી છે. વળી બલિયાથી ધારાસભ્ય સુરેંદ્ર સિંહે કહ્યું સરકારમાં સરકારી કર્મચારીઓ જ ભ્રષ્ટ છે જેના કારણે ભાજપ ચૂંટણી હારી ગઈ છે. ભાજપના ધારાસભ્ય શ્યામ પ્રકાશે તો ફેસબૂક પર કવિતા લખી છે.