બ્રહ્મપુત્રા પર બનેલા એશિયાના સૌથી લાંબા પુલનું PM મોદીએ કર્યું લોકાર્પણ

દિસપુરઃ પીએમ નરેન્દ્ર મોદી આજે એશિયાના સૌથી લાંબા બ્રિજનું લોકાર્પણ કર્યું હતું. આસામની બ્રહ્મપુત્ર નદી પર તૈયાર થયેલા ઢોલા-સાદિયા બ્રિજની લંબાઇ 9.5 કિમી છે. આ બ્રિજ ચીન બોર્ડરની પાસે આવેલો છે. આસામના મુખ્યમંત્રી સર્બાનંદ સોનોવાલ 12 એપ્રિલની દિલ્હીની મુલાકાત દરમિયાન પીએમ મોદીને મળ્યા હતા ત્યારે મે મહિનામાં બ્રિજનું ઉદ્ઘાટન કરવાનું આમંત્રણ આપ્યું હતું. ખાસ વાત એ છે કે, 26 મે ના રોજ મોદી સરકારને ત્રણ વર્ષ પૂરા થઇ રહ્યા છે ત્યારે જ આ ઈન્ફ્રાસ્ટ્રક્ચર ડેવલપમેન્ટના ભાગરૂપે બ્રિજનું ઉદઘાટન થઈ રહ્યું છે.

આ પુલ પૂર્વોત્તરના બે રાજ્યો અસમ-અરૂણાચલને જોડશે. લોકોના ઉપયોગ ઉપરાંત આ પુલ સેનાના આવાગમન માટે પણ ખૂબ જ સુવિધાજનક છે. આ પુલ મારફતે ચીનની સરહદ સુધી માત્ર 4 કલાકમાં પહોંચી શકાય છે. પુલ એટલો મજબૂત છે કે 60 ટનની મેન બેટલ ટેન્ક પણ ત્યાંથી પસાર થઈ શકે છે. એટલું જ નહીં આ પુલ ભૂકંપના ઝટકા પણ સરળતાથી સહન કરી શકે છે.

ઢોલા-સાદિયા બ્રહ્મપુત્રા પુલની લંબાઈ 9.15 કિલોમીટર છે. આ રીતે તે બાંદ્રા-વર્લી સિ-લિંક કરતાં 30 ટકા વધારે લાંબો છે. આ પુલ અસમની રાજધાની દિસપુરથી 540 કિલોમીટર અને અરૂણાચલની રાજધાની ઇટાનગરથી 300 કિલોમીટર દૂર છે. જ્યારે ચીનની સરહદનું એરિયલ ડિસ્ટન્સ અથવા હવાઈ અંતર 100 કિમી કરતાં ઓછું છે.

સીમેન્ટ અને સળિયાથી બનેલ આ પુલ ચીન વિરૂદ્ધ ભારતની સુરક્ષા માટે કોઈ કવચથી ઓછો નથી. ચીનના ચાલાકીઓનો જવાબ આપવા માટે એશિયાનો સૌથી લાંબો પુલ તૈયાર કરવામાં આવ્યો છે. આ પુલની મદદતી યુદ્ધની સ્થિતિમાં ભારત દુશ્મનોને જડબાતોડ જવાબ આપી શકશે. પુલ પર યુદ્ધ સાથે જોડાયેલ ટેન્ક પણ ચાલી શકશે. આગળની સ્લાઈડ્સમાં વાંચો પુલની ખાસિયતો...

તેજપુરથી અંદાજે કલાઈભોમોરા પુલ બાદ બ્રહ્મપુત્રા પર આવતા 375 કિમી યાલી ઢોલા સુધી વચ્ચે કોઈ બીજો પુલ નથી. અત્યાર સુધી આ વિસ્તારમાં નદીની આરપાર તમામ કારોબાર હોડી મારફતે થતો હતો. આ પુલ બનાવવાનું કામ 2011માં શરૂ થયો અને આ પ્રોજેક્ટમાં 950 કરોડનો ખર્ચ આવ્યો છે. આ પુલ 182 પિલર પર ટકેલો છે.