કર્ણાટકમાં બીજેપીને સુપ્રીમ કોર્ટનો વધુ એક ઝટકો, એન્ગ્લૉ-ઇન્ડિયન MLAને નૉમિનેટ કરવાની ના પાડી

બહુમતી માટે બીજેપીને હજુ ઓછામાં ઓછા સાત ધારાસભ્યો જોડવાના છે, આવામાં તે એક-એક સંખ્યા જોડવા માટે દરેક પ્રકારના કાવતરા અને પેંતરા કરવાની કોશિશ કરી રહી છે.

નોંધનીય છે કે, કર્ણાટકમાં 222 બેઠકો પર ચૂંટણી થઇ હતી, જેમાંથી ભાજપાને 104, કોંગ્રેસને 78 અને જેડીએસને 38 બેઠકો મળી હતી. બે અપક્ષ ઉમેદવારોમાંથી એકે ભાજપને સમર્થન આપવાની જાહેર કરી દીધી હતી, જોકે, ગુરુવારે વિધાનસભાની સામે ગાંધીની પ્રતિમાની સામે કોંગ્રેસ અને જેડીએસના ધરણાંમા સામેલ થયેલો જોવા મળ્યો હતો.

નવી દિલ્હીઃ કર્ણાટકમાં કેટલાય દિવસોથી ચાલી રહેલા રાજકીય ડ્રામા બાદ શુક્રવારે સુપ્રીમ કોર્ટે બીજેપીને ડબલ ઝટકો આપ્યો છે. સુપ્રીમ કોર્ટે બીજેપીને શનિવારે સાંજે 4 વાગે બહુમતી સાબિત કરવાનું તો કહી જ દીધુ છે, સાથે સાથે વિધાનસભા માટે એક એન્ગ્લો-ઇન્ડિયન એમએલએને નૉમિનેટ કરવા પર પણ હાલ પુરતી રોક લગાવી દીધી છે.

અરજીમાં કહેવામાં આવ્યું હતું કે, બંધારણના અનુચ્છેદ 333 અંતર્ગત ગવર્નરને એક એન્ગ્લૉ-ઇન્ડિયન સભ્યને વિધાનસભાના સભ્ય તરીકે નૉમિનેટ કરવાનો અધિકાર છે, તેઓ આવું મુખ્યમંત્રીની સલાહ પરજ કરી શકે છે, જેને હુજ બહુમતી સાબિત કરવાની બાકી છે.

અસલમાં બહુમતી પરીક્ષણના ખેલમાં એક-એક ધારાસભ્યની સંખ્યા બીજેપી માટે ખુબ મહત્વની રહે છે. જો એક એન્ગ્લૉ-ઇન્ડિયન ધારાસભ્ય બીજેપીના સીએમની સલાહ પર નૉમિનટે થાય તો તે બીજેપીના પક્ષમાં મતદાન કરી શકતો હતો. એટલા માટે કોંગ્રેસે તાત્કાલિક આને રોકવા માટે તત્પર થઇ ગઇ.

ઉલ્લેખનીય છે કે, કોંગ્રેસ અને જેડીએસે ગુરુવાર સાંજે સુપ્રીમ કોર્ટમાં આ વિશેની એક અરજી દાખલ કરી હતી કે કર્ણાટકમાં બીજેપી નેતા બીએસ યેદુરપ્પાને મુખ્યમંત્રી પદના શપથગ્રહણથી રોકવામાં આવે અને કોઇ એન્ગ્લો-ઇન્ડિયન સમુદાયના સભ્યને એમએલએ નૉમિનેટ કરવાથી પણ રાજ્યપાલને રોકવામાં આવે. આ અરજી જસ્ટીસ એ.કે.સીકરીની અધ્યક્ષતા વાળી ખંડપીઠની પાસે ગઇ હતી અને શુક્રવારે આના પર સુનાવણી થવાનું નક્કી થયું હતું.