નોટબંધીની અસર ચુંટણીઓ પર, ચુંટણીપંચે ખર્ચ અંગે લાદ્યા કેવા નિયંત્રણો? જાણો

નવી દિલ્લીઃ કેન્દ્રીય ચુંટણીપંચે આજે પ્રેસ કોન્ફરન્સ ભરીને પાંચ રાજ્યોનો ચુંટણી કાર્યક્રમ જાહેર કર્યો હતો. આ પહેલા ચુંટણી કમિશનર ડૉ. સૈયદ નસિમ અહેમદ ઝૈદીએ ચુંટણી ખર્ચ અંગે કેટલાક નિયંત્રણોની જાહેરાત કરી હતી.

ચુંટણી કમિશનરે જણાવ્યું હતું કે, દરેક ઉમેદવારે ચૂંટણી ખર્ચ માટે અલગ બેન્ક ખાતું ખોલવાનું રહેશે અને રૂ 20 હજારથી વધુનો ખર્ચ ચેકથી કરવાનો રહેશે.

ઉમેદવાર કે રાજકીય પક્ષની માલિકીની ચેનલ પર જે પ્રચાર કરવામાં આવશે તેને ઉમેદવારના ખર્ચ પેટે ગણવામાં આવશે.

યુપી-પંજાબની બેઠક પર ઉમેદવાર રૂ. 28 લાખ તથા મણિપુર-ઉત્તરાખંડ તથા ગોવામાં રૂ. 20 લાખ સુધીનો ખર્ચ કરી શકશે.

ઉમેદવારોએ વધારાની એફિડેવિટ દાખલ કરવાની રહેશે. જેમાં સરકારી ખાતાઓની રકમ નીકળતી ન હોવાનું જણાવવું પડશે.