દિલ્હીમાં પંખા બનાવતી ફેક્ટરીમાં બ્લાસ્ટ, છત પડતાં કામ કરી રહેલા 7 મજૂરોના મોત, અનેક લોકો ફસાયા

માહિતી અનુસાર, આ ફેક્ટરીમાં સિલેન્ડર બ્લાસ્ટ થયો હતો, જોકે પોલીસનું કહેવું છે કે પહેલા કમ્પ્રેશરમાં ધડાકો થયો હતો, ત્યારબાદ ઇમારતની છત નીચે પડી, જેના કારણે અહીં કામ કરતાં કામદારો દબાઇ ગયા હતા, જેમાના મોત થયા હતા.

પોલીસ અનુસાર, બ્લાસ્ટ થયો તે સ્થળ પંખા બનાવતી ફેક્ટરી છે. હજુ સુધી આઠ લોકોને બિલ્ડીંગમાંથી રેસ્કયૂ કરી બહાર કઢાયા છે. આ ઇમારત બે માળની છે.

બ્લાસ્ટ થયાના સ્થળે હાલમાં ફાયર બ્રિગેડની 8 ગાડીઓ પહોંચીને લોકોને બહાર કાઢવાની કામગીરી કરી રહી છે.

નવી દિલ્હીઃ રાજધાની દિલ્હીના મોતીનગરની પાસે સુદર્શન પાર્કમાં એક મોટી દૂર્ઘટના ઘટી છે. પાર્કની પાસે ડી બ્લૉકમાં ઘરની અંદર કમ્પ્રેસર ફાટતા બ્લાસ્ટ થયો, જેના કારણે છત નીચે પડી અને 7 લોકોના દબાઇને મોત થઇ ગયા હતા. કેટલાક લોકો હજુ પણ અંદર ફસાયા હોવાના સમાચાર છે.