પંજાબમાં યુવતીનાં યુવતી સાથે લગ્ન, ધામધૂમથી નીકળ્યો વરઘોડો, જુઓ તસવીરો

મંજીતના અનેક સ્કૂલ ફ્રેન્ડ અને તેના સંબંધીઓ લગ્ન પહોંચ્યા અને તેના સાક્ષી બન્યા. એટલું જ નહીં બન્નેના પરિવારજનો પણ આ લગ્નમાં આવ્યા હતા. અહેવાલ અનુસાર મંજીતે છૂટાછેડા લીધા છે અને જે ગર્લફ્રેન્ડ સાથે તેણે લગ્ન કર્યા છે તેણે પણ છૂટાછેડા લીધા છે. મંજીતે કહ્યું કે, અમે અમારા જીવનની નવી ઈનિંગ શરૂ કરવા જઈ રહ્યા છીએ.

લગ્ન પહેલા તમામ રીવાજોની સાથે જાન પણ નીકળી હતી, જેમાં બન્નેના પરિવાર સામેલ થયા હતા. મંજીત જાન લઈને મંદિર પહોંચી અને ગર્લફ્રેન્ડ સાથે સાત ફેરા લીધા. મીડિયા અહેવાલ અનુસાર બન્નેએ હિન્દૂ રીતિ-રિવાજથી લગ્ન કર્યા.

પંજાબ પોલીસમાં સબ ઇન્સ્પેક્ટર તરીકે કામ કરતી મહિલાનું નામ મંજીત કૌર કહેવામાં આવી રહ્યું છે. લગ્ન દરમિયાન મંજીતે માથે લાલ રંગની પાઘડી પહેરીને બિલકુલ વરરાજાની જેમ સજી હતી. જ્યારે તેની ગર્લફ્રેન્ડ દુલ્હને લાલ રંગના જોડામાં તૈયાર થઈને પહોંચી હતી.

મહિલા સબ ઇન્સ્પેક્ટરે પોતાની ગર્લફ્રેન્ડ સાથે લગ્ન કરીને બધાને ચોંકાવી દીધા. આ લગ્નમાં બન્નેના પરિવારજનો પણ સામેલ થયા. આ વાતના સમાચાર જેવા જ સોશિયલ મીડિયા પર સામે આવ્યા કે તરત જ લોકોએ આ પહેલને આવકારી. આ કિસ્સો પંજાબના જાલંધર જિલ્લાનો છે.

ચંદીગઢઃ દેશમાં એક બાજુ સમલિંગીને અધિકાર આપવાની માગ ઉઠી રહી છે, ત્યારે પંજાબમાં એક હેરાન કરનારો કિસ્સો સામે આવ્યો છે. પંજાપ પોલીસની એક મહિલા સબ ઇન્સપેક્ટરે પોતાની ગર્લફ્રેન્ડ સાથે લગ્ન કર્યા છે. આ લગ્ન ચોરી-છુપાઈને નહીં પરંતુ બેન્ડ બાજા સાથે તમામ રીવાજો સાથે થયા.