ઉન્નાવ રેપ કેસઃ બીજેપી ધારાસભ્ય કુલદીપ સિંહ સેંગર સામે FIR, CBI કરશે તપાસ

બુધવારે રાતે બીજેપીના ધારાસભ્ય કુલદીપ સેંગર લખનઉમાં એસએસપી ઓફિસે તેમના અનેક સમર્થકો સાથે ગાડીઓનો મોટો કાફલો લઈને પહોંચ્યા હતા. જ્યાંથી તેઓ સરેન્ડર કર્યા વગર જ પરત ફર્યા હતા.

આ ઉપરાંત ઉન્નાવ જિલ્લા હોસ્પિટલના CMS અને EMOને પણ સસ્પેન્ડ કરી દેવામાં આવ્યો છે. યોગ્ય સારવાર નહીં કરવાના આરોપમાં ત્રણ ડોક્ટરો સામે અનુશાસનના ભાગરૂપે કાર્યવાહી કરવામાં આવશે. સફીપુરના સીઓને પણ સસ્પેન્ડ કરવાનો ફેંસલો લેવામાં આવ્યો છે.

નવી દિલ્હીઃ ઉન્નાવ ગેંગ રેપ કેસમાં આરોપી ધારાસભ્ય કુલદીપ સેંગર સામે એફઆઈઆર નોંધવામાં આવી છે. ધારાસભ્ય સામે અપહરણ, બળાત્કાર અને પોસ્કો એક્ટ અંતર્ગત કેસ દાખલ કરવામાં આવ્યો છે. SITના પ્રારંભિક રિપોર્ટ બાદ કુલદીપ સેંગર સામે એફઆઈઆર દાખલ કરવાનો ફેંસલો લેવામાં આવ્યો છે.