દેશમાં પહેલીવાર અંડરવોટર મેરેજ, યુરોપની છોકરી સાથે ભારતીયે સમુદ્રમાં કર્યા લગ્ન

આ મેરેજ સેરેમની 40 મિનિટ સુધી ચાલી. આ લગ્ન માટે બન્નેએ ટ્રેનિંગ પણ કરી હતી. લગ્ન બાદ મહેમાનો માટે કિનારા પર એક પાર્ટીનું આયોજન પણ કરવામાં આવ્યું હતું.

લગ્ન બાદ નિખિલે કહ્યું કે, તેઓ આ ક્ષણને યાદગાર બનાવવા માગતા હતા. તેમણે વધુમાં જણાવ્યું કે, ડાઇવિંગ જ મારો પ્રથમ શોખ છે માટે મેં અંડર વોટર મેરેજ કરવાનું નક્કી કર્યું. આ એક સિમ્પલ રિંગ સેરેમનીવાળા મેરેજ હતા. પરંતુ કોરલના બેકડ્રોપ અને અંડરવોટર એડવેન્ચરે તેને શાનદાર બનાવી દીધા.

જુલાઈ 2016માં કોવાલમ બીચ પર નિખિલની મુલાકાત યૂનિકા સાથે થઈ હતી. બન્નેએ લગ્ન કરવાનો નિર્ણય કર્યો. બન્નેએ પોતાના લગ્ન માટે એ જ જગ્યાની પસંદગી કરી જ્યાં પહેલીવાર તેઓ મળ્યા હતા. પોતાના લગ્નને ખાસ બનાવવા માટે બન્નેએ અંડર વોટર મેરેજ કરવાનો નિર્ણય કર્યો.

કોવલમઃ ગુરુવારે કેરળના કોવલમ ખાતે દેશના પ્રથમ અંડરવોટર મેરેજ થયા હતાં. મહારાષ્ટ્રના નિખિલ પવારે સ્લોવેકિયાની 23 વર્ષની યુનિકા સાથે લગ્ન કર્યા હતાં. ખાસ વાત એ છે કે બન્નેએ સમુદ્રમાં 4 મીટર નીચે પાણીમાં લગ્નની વિધિ કરી હતી. લગભગ અડધા કલાક સુધી ખ્રિસ્થી વિધિ પ્રમાણે લગ્ન કર્યા હતા. દસ લોકો લગ્નના સાક્ષી બન્યા હતા. આ લગ્ન માટે પાણીમાં ફૂલોની સજાવટ પણ કરવામાં આવી હતી.