BJP ધારાસભ્યએ રાહુલ ગાંધીની કરી પ્રશંસા, કહ્યું- તેમના જેવા નેતાની દેશને છે જરૂર, જાણો વિગત

લોબોએ કહ્યું કે, પોતાના અંગત પ્રવાસ દરમિયાન રાહુલ ગાંધી મુખ્યમંત્રી મનોહર પર્રિકરને સ્પેશિયલ મળવા માટે વિધાનસભા આવ્યા. તેમણે તેમની તબિયત પૂછી અને જલદી સ્વસ્થ થવાની પ્રાર્થના કરી.

નવી દિલ્હીઃ કોંગ્રેસ અધ્યક્ષ રાહુલ ગાંધીએ ગોવા પ્રવાસમાં રાજ્યમાં મુખ્યમંત્રી મનોહર પર્રિકર સાથે મુલાકાત કરી તેમની તબિયત જાણી હતી. રાહુલની આ વાતથી ભાજપના એક ધારાસભ્ય પણ પ્રભાવિત થયા છે. ગોવાના ડેપ્યુટી સ્પિકર અને ભાજપના ધારાસભ્ય માઇકલ લોબોએ રાહુલ ગાંધીની પ્રશંસા કરી છે.

તેમણે કહ્યું કે, કોંગ્રેસ અધ્યક્ષ રાહુલ ગાંધીની સાદગી અને વિનમ્રતાની પ્રશંસા ગોવાના લોકો અને દેશભરના લોકો દ્વારા કરવી જોઈએ. તેઓ ખૂબ જ સરળ આદમી છે અને ગોવા તથા દેશને આવા નેતાની જરૂર છે.