પેટ્રોલ-ડીઝલ નહીં થાય સસ્તાં, ટેક્સ ઘટ્યો પરંતુ નહીં મળે ફાયદો

આંતરરાષ્ટ્રીય સ્તર પર ક્રૂડ ઓઈલ મોંઘુ થવાના કારણે પેટ્રોલ-ડીઝલના ભાવમાં ભારે વધારો થઈ ચૂક્યો છે. દિલ્લીમાં આજે પેટ્રોલની કિંમત 72.92 રૂપિયા પ્રતિ લીટર છે. જ્યારે ડીઝલ 64 રૂપિયા પ્રતિ લીટરે વેચાઈ રહ્યું છે.

નાણામંત્રી અરુણ જેટલીએ જણાવ્યું કે બેઝિક એક્સાઈઝ ડ્યૂટીમાં 2 રૂપિયા પ્રતિ લીટરનો ઘટાડો કરવામાં આવ્યો છે. આ ઉપરાંત એડિશનલ એક્સાઈઝ ડ્યૂટીમાં પણ 6 રૂપિયાનો ઘટાડો કરવામાં આવ્યો છે. પરંતુ તેના સ્થાને 8 રૂપિયા પ્રતિ લીટરના રોડ સેસની શરૂઆત કરવામાં આવી છે.

નવી દિલ્લી: વર્ષ 2018-19ના બજેટમાં મધ્યમ વર્ગના લોકોને આશા હતી કે સરકાર પેટ્રોલ અને ડીઝલમાં ટેક્સ ઘટાડીને રાહત આપી શકે છે. સરકારે ટેક્સમાં મોટો ઘટાડો કર્યો પણ, પરંતુ તેનો ફાયદો ગ્રાહકોને નહીં મળે.