જીએસટીના કારણે ટ્રેનના AC કોચમાં મુસાફરી કરવી થશે કેટલી મોંઘી ? જાણો વિગત
મેલ-એક્સપ્રેસ ટ્રેનોમાં 300 કિ.મી સુધી પાંચ રૂપિયા, પાંચસો કિમી સુધી 8 રૂપિયા તેમજ હજાર કિમી સુધી 14 રૂપિયા ટિકિટ દીઠ વધુ ચૂકવવા પડશે. આમ મુસાફરો પર આડકતરો ભાડા વધારો લાદી દેવાતા મુસાફરોમાં પણ આક્રોશ જોવા મળી રહ્યો છે.
હવે જીએસટીમાં બેઝીક ભાડા પર 5 ટકા લેખે ટેક્ષ વસુલવામાં આવનાર છે. આમ પહેલા કરતા અડધો ટકો ચાર્જ વધુ વસુલાતા લાંબા અંતરની મુસાફરી કરનારા એસી ક્લાસના મુસાફરો માટે હવે રેલ યાત્રા મોંઘી પડશે.
જીએસટી મુજબ અડધો ટકા ટેક્ષ વધુ વસુલાતા હવે રાજધાની, દુરન્તો ટ્રેનમાં 500 કિ.મી સુધી 10 રૂપિયા તેમજ 1,000 કિમી સુધી 16 રૂપિયા તેમજ 7,000 કિમી સુધી 30 રૂપિયા મુસાફરોએ વધારે ચૂકવવાના થશે.
રેલ્વે બોર્ડ દ્વારા બહાર પડાયેલા કોમર્શિયલ સરક્યુલર મુજબ 1 જુલાઈથી રેલ્વેમાં એસી ફસ્ટ ક્લાસ, એઝ્ક્યુટીવ ક્લાસ, એસી-2 ટાયર ક્લાસ, એસી-3 ટાયર ક્લાસ, એસી ચેર કાર ક્લાસ, એસી ઈકોનોમી ક્લાસ, ફસ્ટ ક્લાસ, એસી અને સ્પેશિયલ ટ્રેનોના ફસ્ટ ક્લાસીસ કોચીસમાં મુસાફરી કરવા બદલ બેઝીક ભાડા પર 5 ટકા જીએસટી વસુલવાનો નિર્ણય લેવાયો છે.
નવી દિલ્લી: 1 જુલાઈથી અમલી બનનાર જીએસટી રેલ્વે મુસાફરો માટે પણ 30 રૂપિયા સુધીનો ભાડા વધારો લઈને આવશે. પહેલા બેઝીક ભાડાના 4.50 ટકા લેખે સર્વિસ ચાર્જ વસુલાતો હતો.
આ માટેની જરૂરી વ્યવસ્થા પણ ગોઠવી દેવાના દરેક ઝોનલ કચેરીઓને આદેશ કરાયો છે. રાજધાની, દુરન્તો, મેલ-એક્સપ્રેસ સહિતની ટ્રેનોમાં ફસ્ટ ક્લાસ એસીની મુસાફરી મોંઘી સાબિત થશે.