મુંબઇમાં 33 માળની બિલ્ડીંગમાં લાગી આગ, 100 લોકોને સુરક્ષિત બચાવી લેવાયા

કહેવાઇ રહ્યું છે કે, ફાયર બ્રિગેડે તાત્કાલિક ત્યાં પહોંચીને 90-95 લોકોને સુરક્ષિત રીતે બહાર કાઢીને બચાવી લીધા છે. આ સાથે એમ્બ્યૂલન્સ પણ સમયસર આવી પહોંચી હતી.

આ બિલ્ડીંગ વર્લીના વીર સાવરકર માર્ગ પર આવેલી છે. હજુ સુધી આગ લાગવાનું ચોક્કસ કારણ જાણી શકાયું નથી. બિલ્ડીંગનું નામ Beaumonde છે. આ બિલ્ડીંગમાં અભિનેત્રી દીપિકા પાદુકોણનું પણ ઘર આવેલુ છે. દીપિકા આ બિલ્ડીંગમાં 26માં ફ્લૉર પર રહે છે.

હાલ આગ પર કાબુ મેળવવાની કોશિશ કરવામાં આવી રહી છે. 95 લોકોને બિલ્ડીંગમાંથી સુરક્ષિત બહાર કાઢવામાં આવ્યા છે.

નવી દિલ્હીઃ દેશની આર્થિક રાજધાની મુંબઇના વર્લી વિસ્તારમાં 33 માળની બિલ્ડીંગમાં ભીષણ આગ લાગી ગઇ છે. બિલ્ડીંગની 32મા માળે આગ લાગ છે, જોકે તાત્કાલિક ફાયર બ્રિગેડની 8 ગાડીઓ પહોંચી ચૂકી, આગ એટલી ભયાનક છે કે ઉપરના બે-ત્રણ માળ પર ફેલાઇ ચૂકી છે.