ભારતે સુખોઈથી પણ કર્યું બ્રહ્મોસ મિસાઈલનું સફળ પરિક્ષણ, બનાવ્યો વિશ્વ રેકોર્ડ

ભારત લડાકુ વિમાન બ્રહ્મોસના સફળ પરિક્ષણ કરી ઈતિહાસ રચી દીધો છે. કોઈ પણ દેશ સુપરસોનિક ક્રૂઝ મિસાઈલને કોઈ ફાઈટર જેટથી લોન્ચ નથી કરી શક્યું. ભારતીય વાયુસેનાએ તે કરી બતાવ્યું છે. સફળ પરિક્ષણની પુષ્ટિ કરતા રક્ષામંત્રાલયે બુધવારે કહ્યું કે, આ પરિક્ષણથી ભારતીય વાયુસેનાની હવાઈ યુદ્ધના ઓપરેશન ક્ષમતામાં વધારો થશે.

અઢી ટન વજન ધરાવતી આ મિસાઈલ હથિયાર લઈ જવા માટે મોડિફાઈ માટે કરવામાં આવેલા એસયૂ-30 વિમાન પર લઈ જવામાં આવેલી સૌથી વધુ વજનદાર હથિયાર છે. એવામાં હવે બ્રહ્મોસને જમીન, સમુદ્ર તથા હવામાં ચલાવી શકાય છે. અને તેની સાથે ભારત પાસે યુદ્ધ માટે ખુબજ ખાસ ક્રૂઝ મિસાઈલ ટ્રાયડ પૂરી થઈ ગઈ છે.

નવી દિલ્લી: ભારતે રક્ષા ક્ષેત્રમાં એક મોટી સફળતા હાંસલ કરી છે. દુનિયાની સૌથી ઝડપી સુપરસોનિક ક્રૂઝ મિસાઈલ બ્રહ્મોસનું પ્રથમ વખત ભારતીય વાયુસેનાએ સુખોઈ-30-એમકેઆઈ લડાકૂ વિમાનથી સફળ પરીક્ષણ કર્યું છે. તેની સાથેજ ભારત એવો પ્રથમ દેશ બની ગયો છે જેની પાસે જમીન, સમુદ્ર તથા હવામાં ચલાવી શકાય એવી સુપરસોનિક ક્રૂઝ મિસાઈલ છે. આ સાથે ભારત વિશ્વરેકોર્ડ બનાવી લીધો છે.

રક્ષામંત્રાલયના પ્રવક્તા અનુસાર, આજે વિશ્વની સૌથી તેજ સુપરસોનિક ક્રૂઝ મિસાઈલને વાયુસેનાએ યુદ્ધ વિમાન, સુખોઈ-30 એમકેઆઈથી સફળતાપૂર્વક ઉડાણ કરી ઈતિહાસ બનાવી દીધો છે. આ મિસાઈલે બંગાળની ખાડીમાં એક જહાજ પર ટારગેટ કરી પુરો કર્યો હતો.