જમ્મુ કશ્મીર: પાક. સેનાની ચોકીઓ પર જવાનોનો મોટો હુમલો, અનેક લોન્ચિંગ પેડ કર્યા ધ્વસ્ત

સૂત્રોનાં જણાવ્યાં અનુસાર છેલ્લાં સપ્તાહે પૂંછમાં ભારતીય સેનાનાં બ્રિગેડ હેડક્વાર્ટર પર પાકિસ્તાની હુમલાનાં જવાબમાં પાકિસ્તાનને પાઠ ભણાવવા માટે આ કાર્યવાહી કરવામાં આવી છે.

જમ્મુ-કશ્મીરઃ લાઇન ઓફ કન્ટ્રોલને પાર ભારતીય સેનાએ પાકિસ્તાની ઠેકાણાઓ પર ભારે મોટો હુમલો કર્યો છે. આ હુમલો પૂંછ જિલ્લાનાં મેંઢર સેક્ટરમાં થયો છે. ભારતીય સેનાનાં હુમલામાં પાકિસ્તાનનાં અનેક ઠેકાણાઓ ધ્વસ્ત કરવામાં આવ્યા છે.

મીડિયા રિપોર્ટ્સનાં જણાવ્યાં અનુસાર ભારતે પાકિસ્તાન અધિકૃત કશ્મીરમાં સ્થિત આતંકીઓનાં લોન્ચિંગ પૈડને નિશાન બનાવેલ છે. આ લોન્ચિંગ પેડ હજીરા અને રાવલકોટ સેક્ટરમાં છે. ભારતનાં હુમલામાં આતંકીઓનાં અનેક લોન્ચિંગ પેડ તબાહ થઇ ગયા છે.