ઇસરો આજે લૉન્ચ કરશે GSAT-6A સેટેલાઇટ, મોબાઇલ કૉમ્યુનિકેશનને મળશે મદદ

ઇસરોએ કહ્યું કે, ઉપગ્રહની એક મુખ્ય વાત મલ્ટી બીમ કવરેજ સુવિધા દ્વારા ભારતને મોબાઇલ સંચાર આપવાની છે. ઇસરોના ચેરમેન કે. સિવને કહ્યું કે જીસીએટ-6એ બાદ એક નેવિગેશન ઉપગ્રહનું પ્રક્ષેપણ કરવામાં આવશે, જે આગામી નાણાંકિય વર્ષમાં લૉન્ચ થશે.

ઇસરોએ કહ્યું કે GSAT-6ની જેવો જ GSAT-6A છે. આ ઉપગ્રહ સારી ટેકનોલૉજીસ્ટોને પ્રદર્શન માટે એક મંચ પ્રદાન કરસે, જેમાં 6એમ એસ-બેન્ડ એનફ્લેરેબલ એટીના, હેન્ડહેલ્ડ ગ્રાઉન્ડ ટર્મિનલ તથા નેટવર્ક પ્રબંધન ટેકનોલૉજી સામેલ છે.

રૉકેટની આજે આંધ્રપ્રદેશના શ્રીહરિકોટા રૉકેટ પોર્ટ પરથી સાંજે 4.56 વાગે બીજા લૉન્ચ પેડ પરથી પ્રક્ષેપણ કરાશે. ઇસરોએ કહ્યું કે આ મિશન ઉલટી ગણતરી બુધવારે સાંજે એક વાગેને 56 મિનીટથી શરૂ થઇ ગઇ છે.

અંતરિક્ષ એજન્સી અનુસાર, દસ વર્ષના જીવનકાળ વાળા આ ઉપગ્રહને ભારતીય રૉકેટ જિયોસિનક્રૉનસ ઉપગ્રહ પ્રક્ષેપણ યાન (જીએસએલવી-એફ08) દ્વારા કક્ષામાં સ્થાપિત કરવામાં આવશે.

નવી દિલ્હીઃ ઇન્ડિયન સ્પેસ રિસર્ચ ઓર્ગેનાઇઝેશન (ઇસરો) આજે GSAT-6A સેટેલાઇટ લૉન્ચ કરશે. સંચાર ઉપગ્રહ જીસેટ-6એની સાથે ઇસરોના જીએસએલવી-એફ08 મિશનને ચેન્નાઇથી લગભગ 110 કિલોમીટર દુર શ્રીહરિકોટાના અંતરિક્ષ કેન્દ્રમાંથી પ્રક્ષેપણના કાઉન્ટડાઉન શરૂ થઇ ગયા છે.