કાનપુરઃ SPનો ઝેર ખાઈને આત્મહત્યાનો પ્રયાસ, એક મહિના પહેલા જ થઈ હતી બદલી

હાલ તેમને ICUમાં રાખવામાં આવ્યા છે. જ્યાં તેમની હાલત હજુ પણ ગંભીર છે. એસપીના પત્ની એક મેડિકલ કોલેજમાં ડોક્ટર છે. એસપી દાસની એક મહિના પહેલા જ કાનપુરમાં ટ્રાન્સફર થઈ હતી.

એસપીએ ઝેર ખાઈને આત્મહત્યાનો પ્રયાસ કર્યો હોવાની વાત ફેલાતા જ પોલીસ બેડામાં ચકચાર મચી ગઈ હતી. પોલીસના અનેક ટોચના અધિકારીઓ હોસ્પિટલ પહોંચી ગયા છે. હજુ સુધી ઘટના પાછળનું કારણ જાણી શકાયું નથી.

લખનઉના રહેવાસી સુરેન્દ્ર કુમાર દાસ 2014ની બેચના આઈપીએસ ઓફિસર છે. તેમના આ પગલાંથી તમામ ચોંકી ઉઠ્યા છે. પોલીસના ઉચ્ચ અધિકારીઓ પણ આ મામલે કંઈ બોલતા તૈયાર નથી.

મળતી માહિતી મુજબ સુરેન્દ્ર કુમાર પાસેથી સુસાઇડ નોટ પણ મળી આવી છે. જે પ્રમાણે તેણે પારિવારિક તણાવના કારણથી આ પગલું ભર્યું છે.

કાનપુરઃ ઉત્તર પ્રદેશના કાનપુરમાં તહેનાત SP (સિટી) સુરેન્દ્ર કુમાર દાસે ઝેર ખાઈને આત્મહત્યાની કોશિશ કરી છે. એસપીએ કેમ આ પગલું ભર્યું તે હજુ સુધી સ્પષ્ટ થઈ શક્યું નથી. હાલ તેમને શહેરની રિજેન્સી હોસ્પિટલમાં દાખલ કરવામાં આવ્યા છે.