ઘર બનાવવા માટે મળી સરકારી સહાયને લગ્ન માટે ઘરવાળી શોધવામાં વાપરી નાંખી!

પરંતુ અહીં પહોંચીને અધિકારીઓએ જે જોયું તે જોઈને ગુસ્સો કરવો કે હસવું તે અધિકારીઓને સમજાતુ નહોતું. આ વ્યક્તિએ ઘર બનાવવા મળેલા પૈસા પોતાના માટે યોગ્ય યુવતી શોધવામાં વાપરી નાખ્યા હતા. તેનું કહેવું હતું કે તેને ઘર બનાવતા પહેલા એક ઘરવાળીની જરુર છે જે ઘરને સાચવી શકે.

બનાવની વિગત મુજબ શંકર નામના વ્યક્તિને સરકારી યોજના અંતર્ગત ઘર બનાવવા માટે પહેલો હપ્તો બેંકમાં તેના ખાતામાં જમા કરાવવામાં આવ્યો હતો. જોકે પછીથી તેનો સંપર્ક ન થતા અધિકારીઓ સ્વચ્છ શૌચાલય અને આવાસ યોજનાની સમીક્ષા માટે તેના ઘરે પહોંચ્યા હતા.

ભોપાલઃ મધ્ય પ્રદેશના શિવપુર જિલ્લામાં એક રસપ્રદ કિસ્સો સામે આવ્યો છે. અહીંના સહરિયા જાતિના એક વ્યક્તિએ પ્રધાનમંત્રી આવાસ યોજનામાંથી સહાય મેળવી અને ઘર બનાવવાની જગ્યાએ તેનો ઉપયોગ ઘરવાળી શોધવામાં કર્યો.