મોદી સરકારે લોકસભામાં રજૂ કર્યું સવર્ણોને 10 ટકા અનામતનું બિલ, સાંજે પાંચ વાગ્યે ચર્ચા

ઉલ્લેખનીય છે કે, છેલ્લા કેટલાય લાંબા સમયથી સવર્ણોને 10 અનામત આપવાની માંગ હતી. આ બિલ સામાજિક ન્યાય મંત્રી થાવરચંદ ગેહલોત આજે સંસદમાં બીલ રજૂ કર્યું હતું.

નવી દિલ્હીઃ લોકસભાની ચૂંટણી પહેલા મોદી સરકારે સવર્ણોને પોતાના પક્ષમાં ખેંચવા માટે મોટો દાવ રમ્યો છે. સરકારે લોકસભામાં સવર્ણોને 10 ટકા અનામતનું બિલ રજૂ કરી દીધું છે. હવે આ બિલ પર સાંજે પાંચ વાગ્યે ચર્ચા થશે.

10 ટકા સવર્ણ બિલને કોંગ્રેસ અને બસપાએ સમર્થન જારી કરી દીધું છે. જેને કારણે લોકસભામાં આ બિલ પસાર થઈ જાય તેવી પૂરી શક્યતા છે. એટલું જ નહીં, આ બિલ રાજ્યસભામાં રજૂ કરવા માટે રાજ્યસભાની કાર્યવાહીને એક દિવસ માટે લંબાવી દેવામાં આવી છે. બીજેપીએ પોતાના સાંસદોને ગૃહમાં હાજર રહેવા વ્હીપ આપ્યો છે.