છત્તીસગઢના દંતેવાડામાં ભીષણ અથડામણ, 3 મહિલા નક્સલીઓ સહિત 7 ઠાર

માહિતી પ્રમાણે સુરક્ષાદળોને આ વિસ્તારમાં ડઝનેક નક્સલીઓ હોવાની બાતમી મળી હતી. ત્યારબાદ એસટીએફ અને સીઆરપીએફની ટીમો તરતજ ત્યાં પહોંચી અને વિસ્તારની ઘેરાબંધી કરી દીધી હતી. સુરક્ષાદળો કંઇક કરે તે પહેલા જ નક્સલીઓએ ફાયરિંગ શરૂ કરી દીધું હતું. જોકે, બાદમાં જવાનોએ ચાલાકી વાપરીને સાત નક્સલીઓને ઠાર મારી દીધા હતા.

માહિતી પ્રમાણે માર્યા ગયેલા 7 નક્સલીઓમાં ત્રણ મહિલાઓ અને 4 પુરુષ સામેલ છે. મૃતક નક્સલીઓની પાસે INSAS રાઇફલ, બે થ્રી નૉટ થ્રી રાઇફલ, એક 12 બૉર રાઇફલ અને બીજા કેટલાક હથિયારો મળી આવ્યા છે.

અથડામણની આ ઘટના દંતેવાડામાં તિમેનારની પહાડીઓની પાછળ ગંગાલુર વિસ્તારમાં થઇ છે. દંતેવાડા એસટીએફ અને સીઆરપીએફની સંયુક્ત કાર્યવાહીમાં ગુરુવારે સવારે 6 વાગે આ નક્સલી માર્યા ગયા છે. દંતેવાડાના એએસપી નક્સલ ઓપરેશન જી.એન.બધેલે આની સ્પષ્ટતા કરી છે.

નવી દિલ્હીઃ છત્તીસગઢના દંતેવાડામાં નક્સલીઓની સાથે ગુરુવારે સવારે થયેલી અથડામણમાં સુરક્ષાદળોએ 7 નક્સલીઓને ઠાર માર્યા છે. આ અથડામણ રાજ્યમાં બીજાપુર અને દંતેવાડા જિલ્લાની બોર્ડર પર થઇ, જેમાં પોલીસ અને સીઆરપીએફે સંયુક્ત કાર્યવાહી કરી અને 7 નક્સલીઓને ઠાર મારી દીધા હતા. સાથે સ્થળ પરથી પોલીસને મોટા જથ્થામાં નક્સલીઓના હથિયારો પણ મળી આવ્યા છે.