નરેન્દ્ર મોદીએ જેટલીના બદલે ભાજપનાં આ દમદાર મહિલાને આપ્યું સંરક્ષણ મંત્રાલય , જાણો વિગત

નિર્મલા સીતારામન તમિલનાડુના મદુરાઈમાં જન્મ્યાં છે અને જાણીતાં વકીલ છે. ભાજપના પ્રવક્તા તરીકે અસરકારક કામગીરી કરનારાં નિર્મલાને તાજેતરમાં ગુજરાત વિધાનસભાની ચૂંટણી માટે ભાજપનાં સહપ્રભારી પણ બનાવાયાં છે ને એ રીતે તેમનું મહત્વ ભાજપમાં વધ્યું છે.

અગાઉ અહેવાલો હતા કે મોદીએ સંરક્ષણ મંત્રાલય અરૂણ જેટલી પાસે જ રાખવાનો નિર્ણય લીધો છે અને જેટલી સંરક્ષણ મંત્રાલયની સાથે નાણાં મંત્રાલય પણ સંભાળશે. જો કે સત્તાવાર યાદીમાં સંરક્ષણ મંત્રાલય નિર્મલા સીતારામનને સોંપાયું છે. નિર્મલા દેશનાં વડાપ્રધાન ના હોય તેવાં પહેલાં મહિલા સંરક્ષણ પ્રધાન બન્યાં છે.

નરેન્દ્ર મોદી દ્વારા સૌથી મહત્વનાં પૈકી એક સંરક્ષણ મંત્રાલયની ફાળવણી કરી દેવાઈ છે અને આ મંત્રાલય નિર્મલા સીતારામનને સોંપાયું છે. મોદી કેબિનેટના વિસ્તરણ પહેલાં સૌથી વધારે ચર્ચા દેશના સંરક્ષણ મંત્રી કોણ બનશે તેના પર ચાલી હતી અને અલગ અલગ નામો ચાલ્યાં હતાં.

નવી દિલ્લી: કેન્દ્રની મોદી સરકારના કેબિનેટનું રવિવારે સવારે વિસ્તરણ કરાયું હતું અને કુલ 13 પ્રધાનોએ શપથ લીધા હતા. આ પૈકી મોદી કેબિનેટના રાજ્ય કક્ષાના ચાર પ્રધાનોને પ્રમોશન આપીને કેબિનેટ કક્ષાના પ્રધાન બનાવાયા હતા. અન્ય 9 પ્રધાનોએ રાજ્ય કક્ષાના પ્રધાન તરીકે શપથ લીધા હતા.