PM મોદી 4 દેશના પ્રવાસે જવા રવાના, આર્થિક સંબંધો વધુ મજબૂત કરવા પર વિશેષ ભાર

નવી દિલ્હીઃ વડાપ્રધાન મોદી સોમવારે યૂરોપના ચાર દેશોના પ્રવાસે જવા રવાના થયા છે. તેમનો પહેલો પડાવ જર્મનીમાં છે. મોદી જુલાઈમાં પણ G-20 સમિટમાં ભાગ લેવા માટે હેમ્બર્ગ જવાના છે. દ્વિપક્ષીય સંબંધોની ઔપચારિક વાતચીત પહેલા વડાપ્રધાન જર્મનીના ચાન્સલર એન્જેલ મર્કેલની સાથે ડિનર કાર્યક્રમ પણ છે. બંને દેશોની વચ્ચે ઘનિષ્ઠતા અને દ્વિપક્ષીય સંબંધોની મહત્વતા દર્શાવવાની દ્રષ્ટિએ આ મુલાકાત ઘણી મહત્વપૂર્ણ છે. જર્મનીમાં આ વર્ષે નવેમ્બરમાં ચૂંટણી છે અને તે પહેલા મોદી અને મર્કેલની આ છેલ્લી મુલાકાત હશે. જર્મન રોકાણકારોને ભારતમાં રોકાણ કરવાને લઈ વિશ્વાસમાં લઈ સુરક્ષિતતાની ખાતરી આપવાનો મોદી સામે મોટો પડકાર પણ ઊભો છે.

2 જૂનના રોજ મોદી યાત્રાનો અંતિમ પડાવ હશે. તેઓ ત્યારે ફ્રાન્સ રવાના થશે. અહીં પેરિસમાં ફ્રાન્સના નવા રાષ્ટ્રપતિ ઈમૈનુએલ મૈક્રોં સાથે ચર્ચા કરશે. આ દરમિયાન બંને દેશોના સ્ટ્રેટેજિક સંબંધો મજબૂત કરવાના પ્રયત્નો કરવામાં આવશે. બંને દેશો આતંકવાદથી પીડિત છે. તેથી વાતચીતમાં આ મુદ્દો મહત્વનો માનવામાં આવે છે.

1થી 2 જૂન સુધી મોદી રશિયામાં રહેશે. અહીં તેઓ 1,000 ગ્લોબલ રોકાણકારોને મળશે. પ્રેસિડન્ટ પુતિન સાથે સેન્ટ પીટર્સબર્ગમાં 18મી ભારત-રશિયા વાર્ષિક મીટિંગનો ભાગ બનશે. અહિં મોદી ઈન્ટરનેશનલ ઈકોનોમિક ફોરમનો પણ ભાગ બનશે. તેમાં 1 હજાર ગ્લોબલ ઈન્લેસ્ટર્સ સામેલ થશે. તેમને 2 જૂનના રોજ ગેસ્ટ ઓફ ઓનર્સથી સન્માનિત કરવામાં આવશે.

30 મેની સાંજ સુધી મોદી સ્પેન પહોંચી જશે. અહીં પ્રેસિડન્ટ મારિયાનો રાજોય સાથે મુલાકાત કરશે. ઈન્ફ્રાસ્ટ્રક્ચરના નિર્માણ અને એનર્જી સેક્ટર વિશે પણ સ્પેનમાં પ્રેસિડન્ટ મારિયાનો રાજોય સાથે વાત થઈ શકે છે. સ્પેનમાં મોદી કિંમગ ફેલિફ સાથે પણ મુલાકાત કરશે. તે સિવાય દેશમાં વિદેશી રોકાણ લાવવા માટે બિઝનેસ લિડર્સ સાથે રાઉન્ડ ટેબલ ચર્ચા પણ કરશે.

મોદી સૈથી પહેલા જર્મની જશે. અહીં તેમની બીજી વખત મુલાકાત છે. તેઓ ગઈ વખતની જેમ આ વખતે પણ આઈસીજી સમિટમાં સામેલ થશે. તેઓ અહીં ચાંસેલર અંગેલા મર્કેલની મુલાકાત લેશે. બીજા દિવસે મોદી અને મર્કેલ ચોથી ઈન્ડિયા-જર્મની ઈન્ટર ગવર્નમેંટલ કોન્સુલેશન (આઈસીજી)માં ભાગ લેશે. બંને નેતા એક બિઝનેસ ઈવેન્ટને પણ એડ્રેસ કરશે. તેમાં બંને દેશોના ટોપ સીઈઓ સામેલ થશે. ગયા આસીજીની જેમ આ વખતે પણ મહત્વની સમજૂતી કરવામાં આવશે.

મોદી 29 અને 30 મીએ જર્મનીમાં રહેશે. અહીંથી સ્પેન જશે. 1 અને 2 જૂનના રોજ રશિયા જશે. 2જી તારીખે રાત્રે મોદી ફ્રાન્સ પહોંચશે. ફ્રાન્સના નવા રાષ્ટ્રપતિ મેક્રોના મોદી પહેલા મહેમાન છે. આ યાત્રા પછી મોદી કઝાખિસ્તાનમાં શંઘાઈ સહયોગ સંગઠનની મીટિંગમાં સામેલ થવા જશે. અહીં મોદી ચીનના પ્રેસિડન્ટ શી. જિનપિંગને પણ મળશે. મોદી 26થી 28 જૂન અમેરિકાની મુલાકાતે જશે. મોદી અને ટ્રમ્પની આ પહેલી મુલાકાત હશે. મોદી જુલાઈમાં ઈઝરાયલ જવાના છે. પ્રથમ વખત ભારતીય પીએમ ઈઝરાયલની મુલાકાત લેવાના છે.