ગુજરાતમાં પ્રથમ તબક્કાની ચૂંટણી માટે મોદીએ ટ્વિટ કરી વોટિંગની અપીલ કરી

વડાપ્રધાન મોદીએ કરેલું ટ્વિટ,

નવી દિલ્હીઃ ગુજરાતમાં સવારે 8 વાગતાં જ પ્રથમ તબક્કાની 89 સીટો પર મતદાન શરૂ થઈ ગયું છે. મોટા પ્રમાણમાં મતદારો વોટિંગ કરે તે માટે વડાપ્રધાન નરેન્દ્ર મોદીએ આજે સવારે ટ્વિટ કર્યું છે. મોદીએ ટ્વિટ કરીને લખ્યું કે, આજે ગુજરાતમાં પ્રથમ તબક્કાનું મતદાન છે. સર્વે મતદારોને લોકશાહીના ઉત્સવમાં ભાગ લેવા અને વિશાળ સંખ્યામાં મતદાન કરવાની અપીલ કરું છું. સૌરાષ્ટ્ર સહિત આ જગ્યાએ વોટિંગ: અમરેલી, ભાવનગર, કચ્છ, મોરબી, રાજકોટ, જામનગર, પોરબંદર, દ્વારકા, ગીર સોમનાથ, જૂનાગઢ, બોટાદ, નર્મદા, ભરૂચ, સુરત, તાપી, ડાંગ, નવસારી, વલસાડ, સુરેન્દ્રનગર