ઉત્તરાખંડના હર્ષિલમાં મોદીએ જવાનો સાથે મનાવી દિવાળી, જાણો જવાનો સાથે શું કરી વાત

નવી દિલ્હીઃ વડાપ્રધાન નરેન્દ્ર મોદી દર વખતની જેમ આ વખતે પણ દિલ્હીની બહાર દિવાળી ઉજવી હતી. મોદીએ આજે ઉત્તરાખંડના હર્ષિલમાં સેનાના જવાનો સાથે દિવાળી ઉજવી હતી. આ પહેલા આજે સવારે તેમણે દિવાળી શુભકામના પાઠવતું ટ્વિટ કરીને લખ્યું કે, દિવાળીની તમામ દેશવાસીઓને શુભકામના. પ્રકાશનું આ પર્વ તમામના જીવનમાં સુખ, શાંતિ અને સમૃદ્ધિ લઈને આવે તેવી શુભેચ્છા.

વડાપ્રધાન મોદીએ દિવાળીની શુભકામના પાઠવતા કરેલા ટ્વિટનો સ્ક્રીનશોટ.

મોદીએ હર્સિલમાં જવાનોને કહ્યું, બર્ફિલા વિસ્તારમાં તમારી ડ્યૂટી માટે સમર્પણ દેશને મજબૂતી પ્રદાશ કરે છે. તમારા કારણે જ દેશનું ભવિષ્ય અને સવા સો કરોડ લોકોના સપનાં સુરક્ષિત છે. ભારત આજે રક્ષા ક્ષેત્રે વિશ્વમાં અવ્વલ દેશોમાં સામેલ છે. ભારતીય સેનાની બહાદુરી પૂરી દુનિયામાં ઉદાહરણ સમાન છે.