સચિનની પુત્રી સાથે ગંદી હરકતો કરતો વિકૃત ઝડપાયો, સારાનું નામ કોતરાવ્યું હાથ પર, જાણો કેવી રીતે કરતો પરેશાન ?

સચિન તેંડુલકરની પુત્રીને ફોન કરીને પરેશાન કરતા આ વિકૃત યુવકનું નામ દેવકુમાર મૈતી છે. પશ્ચિમ બંગાળના આ યુવકે ક્યાંકથી સચિનના ઘરનો ફોન નંબર મેળવ્યો હતો અને પછી ફોન કરીને ગંદી હરકતો શરૂ કરી હતી. સારા સાથે તેણે ગંદી વાતો કરી હતી અને તેને મળવા આવશે તેમ પણ કહ્યું હતું.

મુંબઈ પોલીસે તાબડતોબ જ પોતાની એક ટીમને બંગાળ રવાના કરી હતી અને કોલકાત્તા પોલીસની મદદથી મિદનાપોર પહોંચી હતી. આ યુવકને તરત ઝડપી લેવાયો હતો. આ યુવકને મુંબઈ લાવીને આવતી કાલે કોર્ટમાં રજૂ કરાશે અને તેના રીમાન્ડ માગવામાં આવશે તેમ પોલીસે જણાવ્યું છે.

આ ગંદી હરકતો પછી સચિન તેંડુલકરના પરિવારે બાંદ્રા પોલીસ સ્ટેશનમાં ફરિયાદ નોંધાવી હતી. પોલીસ તરત હરકતમાં આવી ગઈ હતી અને સચિનના ફોન નંબરની કોલ ડીટેઈલ્સ મેળવીને કોણ ફોન કરે છે તે ટ્રેસ કરી લીધું હતું. આ કોલ મિદનાપોરથી આવતા હોવાનું પોલીસને જાણવા મળ્યું હતું.

આ યુવક એવું કહેતો હતો કે તે સારા સાથે લગ્ન કરશે. આ વિકૃતે સચિનની ઓફિસે પણ ફોન કરીને સારા સાથે વાત કરવા કોશિશ કરી હતી. આ માણસે પોતાના હાથ પર સારાનું નામ પણ કોતરાવ્યું હતું અને તેને બહુ પ્રેમ કરે છે તેવું પણ તેણે કહ્યું હતું.

મુંબઈઃ મહાન ક્રિકેટર સચિન તેંડુલકરની પુત્રી સારાને ફોન કરીને પરેશાન કરતા અને તેની સાથે અશ્લીલ વાતો કરીને તેની છેડતી કરતા શખ્સને પોલીસે ઝડપી લીધો છે. આ વિકૃત યુવક પશ્ચિમ બંગાળના કોલકાત્તા પાસેના મિદનાપોરથી સચિનની પુત્રીને સારાને ફોન કરતો અને ગંદી હરકતો કરતો હતો.