ગુરૂગ્રામના બાળકની હત્યા મામલે મોટી કાર્રવાઈ, રેયાન સ્કૂલના બે ઉચ્ચ અધિકારની ધરપકડ

બીજી બાજુ પ્રદ્યુમનના પિતા આ કાર્યવાહીથી સંતુષ્ટ ન હોવાથી તેમણે સુપ્રીમ કોર્ટના દરવાજા ખટખટાવવાનો નિર્ણય કર્યો છે. તેઓ પ્રદ્યુમન મર્ડર કેસની તપાસ માટે સુપ્રીમ કોર્ટમાં અરજી કરશે. તે ઉપરાંત આ કેસમાં સીબીઆઈ તપાસની પણ માગણી કરવામાં આવશે. પ્રદ્યુમનના પિતા વરુણ ઠાકુરે પોલીસ સામે પણ સવાલ કર્યો છે કે, હજુ સુધી સ્કૂલ પ્રસાશન સામે કેમ કોઈ પગલાં લેવામાં આવ્યા નથી?

જોકે, પોલીસ સૂત્રોના જણાવ્યા પ્રમાણે સ્કૂલના પ્રિન્સિપાલને સસ્પેન્ડ કર્યા પછી રવિવારે મોડી રાત્રે સ્કૂલ મેનેજમેન્ટના અન્ય બે લોકોની ધરપકડ કરવામાં આવી છે. નોર્થ ઈન્ડિયા હેડ ફ્રાન્સિસ થોમસ અને સ્કૂલના કો- ઓર્ડિનેટર પણ ધરપકડ કરવામાં આવી છે. જુવેનાઈલ જસ્ટિસ એક્ટ અંતર્ગત કાર્યવાહી કરવામાં આવી છે.

સોહાના રોડના સરદાર પોલીસ સ્ટેશનના એસએચઓ અરુણને સસ્પેન્ડ કરી દેવામાં આવ્યા છે. ગઈ કાલે સ્કૂલની બહાર વાલીઓ પણ લાઠી ચાર્જ કરવાના કારણે પ્રશાસન દ્વારા તેમને સસ્પેન્ડ કરવામાં આવ્યા છે.

ગુરુગ્રામઃ ગુરુગ્રામની રેયાન ઇન્ટરનેશનલ સ્કૂલમાં 7 વર્ષના બાળકની ઘાતકી હત્યા કરવાના મામલે સ્કૂલ મેનેજમેન્ટના બે ઉચ્ચ અધિકારીની ધરપકડ કરવામાં આવી છે. સ્કૂલના રીજનલ હેડ અને એચઆર હેડની ધરપકડ કરવામાં આવી છે અને બન્નેને આજે કોર્ટમાં હાજર કરવામાં આવશે. કેટલાક અન્ય શિક્ષકોની પણ પૂછપરછ કરવામાં આવી રહી છે. બીજી બાજુ સોહના પોલીસ સ્ટેશનના એસએચઓને પણ સસ્પેન્ડ કરવામાં આવ્યા છે. સ્કૂલ મંગળવાર સુધી બંધ રહેશે.