સ્વદેશી ક્રૂઝ મિસાઈલ નિર્ભયનું સફળ પરિક્ષણ, 1000 કિમી સુધી હુમલો કરવા સક્ષમ

નિર્ભય મિસાઈલ તમામ ઋતુઓમાં કામ કરનારી એક હાઈટેક મિસાઈલ છે. જે 6 મીટર લાંબી અને લગભગ 1500 કિલો વજન ધરાવતી આ મિસાઈલની રેન્જ 1000 કિલોમીટર કરતા પણ વધુ છે. એટલે કે આ મિસાઈલને દિલ્લીથી પાકિસ્તાન તરફ છોડવામાં આવે તો ઈસ્લામાબાદ અને કરાચીને એક ઝટકામાં નષ્ટ કરી શકે છે.

ડીઆરડીઓ દ્વારા નિર્મિત આ મિસાઈલનું પાંચમું પરિક્ષણ હતું. પ્રાપ્ત માહિતી અનુસાર આ મિસાઈલ ‘નિર્ભય’નું આઈટીઆરના કોપ્લેક્સ-3થી એક વિશેષ લોન્ચરથી સવારે 11.20 વાગ્યે લોન્ચ કરવામાં આવ્યું હતું.

નવી દિલ્લી: ભારતે આજે સ્વદેશી સબસોનિક ક્રૂઝ મિસાઈલ ‘નિર્ભય’નું સફળ પરિક્ષણ કર્યું છે. 1000 કિલોમીટર સુધી હુમલા કરવા સક્ષમ આ મિસાઈલનું પરિક્ષણ મંગળવારે ઓડિશામાં બાલાસોરના ચોંદીપુર પરિક્ષણ કેન્દ્ર પરથી લોન્ચ કરવામાં આવી હતી.

નિર્ભય મિસાઈલની ખાસિયત એ છે કે તે એક સાથે અનેક લક્ષ્યની વચ્ચે હુમલો કરવા સક્ષમ છે. બે પંખા સાથે મિસાઈલ 500 મીટરથી લઈને 4 કિમીની ઉંચાઈ પર ઉડાણ કરવા પણ સક્ષમ છે.