સુષમાના ટ્વિટે ફરી કરી કમાલ, એક મહિલાને આત્મહત્યા કરવાથી રોકી

જ્યોતિ પાંડેને વિઝા મેળવવા માં તકલીફ પડી રહી હતી. તેણે ટ્વિટમાં લખ્યું કે મને વિઝા અપાવવામાં મદદ કરો. શું મારે તમારા સુધી પહોંચવા માટે આત્મહત્યા કરવી પડશે. જેના જવાબમાં સુષમાએ લખ્યું કે, તમે સુસાઈડ ન કરો. તમારી વાત જણાવો. અને ટ્વિટર પર જ લાંબી વાત કરીને મદદ કરવાનો વિશ્વાસ અપાવ્યો. જ્યોતિના સસરાની ન્યૂઝીલેંડમાં મૃત્યુ પામ્યા છે. અને જ્યોતિનો પતિ પણ ન્યૂઝીલેંડમાં જ છે. જ્યોતિ તેના સાસરિયા પાસે જવા માટે ન્યૂઝીલેંડના ટુરિસ્ટ વિઝાની માગ કરી રહી છે.

ઉલ્લેખનીય છે કે આ પહેલા પણ સુષમા સ્વરાજે ટ્વિટરના માધ્યમથી લોકોને મદદ કરી છે. આ જ રીતે રેલ મંત્રી સુરેશ પ્રભુ પણ લોકોને ટ્વિટરના માધ્યમથી લોકોને મદદ પહોંચાડે છે.

વિદેશ મંત્રી સુષમા સ્વરાજ પોતાના ટ્વિટના કારણે ફરી ચર્ચામાં છે. આ વખતે સુષમાના એક ટ્વિટે મહિલાને આત્મહત્યા કરતા રોકી છે. તેમણે ટ્વિટ કરીને જ્યોતિ પાંડે નામની એક મહિલાની મદદ કરી હતી. જ્યોતિ ન્યૂઝીલેંડના વિઝા ન મળતા આત્મહત્યાની વાત કરતુ એક ટ્વિટ કર્યુ હતું.. જે પછી સુષમાએ તેને વિશ્વાસ અપાવ્યો કે તે જ્યોતિ સાથે વાત કરશે.