ટ્રેનમાં એન્જિનિયર યુવતીની ત્રણ યુવકોએ કરી છેડતી, એકે બનાવ્યો વીડિયો, જાણો પછી શું થયું

આ મહિલાઓ પાસે કન્ફર્મ ટિકિટ ન હોવાથી તેઓએ એસ-વન કોચમાં જઇ ટીસીને બેઠક આપવા માટે વિનંતી કરવાનું નક્કી કર્યું હતું. તેઓ એસ-વનમાં ઊભી હતી ત્યારે ત્રણ યુવાનોએ તેમની છેડતી કરવાનું શરૂ કર્યું હતું. બે જણે તેમની છેડતી કરવાની શરૂ કરી અને ત્રીજાએ મોબાઇલ પર તેમની વીડિયો ઉતારવાની શરૂ કરી હતી. ગભરાયેલી મહિલાઓએ અન્ય ઉતારૂઓની સહાય માગી હતી પણ કોઇ તેમને મદદ કરવા આગળ આવ્યું નહોતું.

ટ્રેન જયારે શિંગરાયાકોંડા સ્ટેશનમાં પ્રવેશી રહી હતી ત્યારે છેડતીખોરોથી બચવા માટે આ યુવતીએ ચાલુ ટ્રેને કૂદકો માર્યો હતો. સ્ટેશન નજીક હોવાથી ટ્રેનની ગતિ ધીમી હોવાથી યુવતીને માથામાં મામૂલી ઇજા થઇ હતી. રેલવે પોલીસની સહાયથી તેને એમ્બ્યુલન્સમાં તત્કાળ હોસ્પિટલમાં લઇ જવામાં આવી હતી. હાલ તે સલામત છે તેમ ડોકટરોએ જણાવ્યું હતું.

રેલવે પોલીસે જણાવ્યું કે આ યુવતી ચેન્નઇમાં આવેલી આઇટી કંપનીમાં કામ કરે છે. તે તેની બે સહેલીઓ સાથે ઇર્નાકુલમ-હઝરત નિઝામુદ્દીન મિલેનિયમ એકસ્પ્રેસમાં વિજયવાડા જઇ રહી હતી ત્યારે આ ઘટના બની હતી.

હૈદરાબાદ: આંધ્ર પ્રદેશના પ્રકાશમમાં ગુરૂવારે શર્મનાક ઘટના બની હતી. ૨૧ વર્ષની એન્જિનિયર યુવતીએ છેડતીથી બચવા માટે ચાલુ ટ્રેને કૂદકો મારતાં તેને માથામાં ગંભીર ઇજા થતાં તેને હોસ્પિટલમાં દાખલ કરવામાં આવી હતી.