UP ભાજપના આ નેતાએ જાહેર કર્યું: હનુમાનજી દલિત કે આદિવાસી નહીં પણ મુસલમાન હતા, કારણ જાણીને લાગી જશે આઘાત

MLC બુક્કલ નવાબે હનુમાનજીની જાતિ પર ટિપ્પણી કરતાં કહ્યું કે, હનુમાન દલિત, આદિવાસી કે બ્રાહ્મણ નહીં પણ મુસલમાન હતી.

MLC બુક્કલ નવાબે એવો તર્ક આપ્યો હતો કે, તેમના નામ જેવા નામ જ અમે રાખીએ છીએ, જેમ રહેમાન, રમજાન, ફરમાન, જિશાન, કુરબાન એવી જ રીતે હનુમાનનું નામ છે. આથી જ હનુમાનજી મુસ્લિમ હતા એવું કહી શકાય.

લખનઉઃ ઉત્તરપ્રદેશના મુખ્યમંત્રી યોગી આદિત્યનાથે કરેલી હનુમાનજી પરની વિવાદિત ટિપ્પણી બાદ એક પછી એક નેતાઓ આના પર રાજકારણ રમી રહ્યાં છે. હવે આ મુદ્દે યુપી બીજેપીના MLC બુક્કલ નવાબે ચોંકાવનારી ટિપ્પણી કરીને હનુમાનજીને મુસલમાન ગણાવી દીધા છે.

ઉલ્લેખનીય છે કે, યુપી બીજેપીના આ નેતા અગાઉ પણ વિવાદિત સ્ટેટમેન્ટ આપી ચૂક્યા છે. તેમને અગાઉ અયોધ્યામાં વિવાદી સ્થળ પર મસ્જિદ નિર્માણ અંગે પણ વિવાદ ઊભો કર્યો હતો.