અમેરિકી વાયુસેના પ્રમુખે ભારતના સ્વદેશી લડાકુ વિમાન તેજસથી ભરી ઉડાન

જનરલ ડેવિડ એલ ગોલ્ડફિન પોતાની અધિકારિક યાત્રા પર શુક્રવારે ભારત પહોંચ્યા હતા. સ્વાગત માટે ભારતીય સેનાનો આભાર વ્યક્ત કરતા ફેસબૂક પર તેમણે લખ્યું કે આ પ્રવાસથી ભારત અને અમેરિકા વાયુસેનાના પહેલાના મજબૂત સંબંધોને વધુ મજબૂત બનાવવા માગે છે. જનરલ ડેવિડ એલ ગોલ્ડફિને વધુમાં કહ્યું કે ભારત દુનિયાનો બીજો સૌથી મોટા સી-17 ગ્લોબમાસ્ટરનું સંચાલન કરી રહ્યો છે. સી-17 ગ્લોબમાસ્ટર મોટુ પરિવહન વિમાન છે.

તેજસ મેક ઈન ઈન્ડિયા હેઠળ સમગ્રપણે ભારતમાં બનેલું છે. ભારતીય વાયુસેનાએ ડિસેમ્બર 2017માં હિંદુસ્તાન એરોનોટિક્સ લિમિટેડ સાથે 83 તેજસ વિમાનની ડિલ કરી છે. તેને ભારતના રક્ષા નિર્માણના સ્વદેશીકરણનું મોટું પગલું માનવામાં આવી રહ્યું છે.

જોધપુર: અમેરિકાના વાયુસેના પ્રમુખ જનરલ ડેવિડ એલ ગોલ્ડફિન ભારતના સ્વદેશી હલ્ક લડાકુ વિમાન તેજસ ઉડાવનારા પ્રથમ વિદેશી સૈન્ય પ્રમુખ બન્યા છે. સમાચાર એજન્સી પીટીઆઈ અનુસાર શનિવારે તેમણે જોધપુર એરફોર્સ સ્ટેશન પરથી તેજસમાં ઉડાન ભરી હતી. તેની સાથે એર વાઈસ માર્શલ સિંહ સહ-પાયલટ તરીકે હતા.