જાણો કોણ છે સલમાન ખાનને પાંચ વર્ષની જેલની સજા ફટકારનારા જજ દેવકુમાર ખત્રી

જસ્ટિવ દેવકુમાર ખત્રી જોધપુરની જિલ્લા કોર્ટમાં મુખ્ય ન્યાયિક મેજીસ્ટ્રિટના પદ પર તૈનાત છે. ગંભીર સ્વભાવ માટે જાણીતા જસ્ટિસ ખત્રીનું ટૂંક સમયમાં પ્રમોશન થવાનું હતું. કહેવામાં આવી રહ્યું છે કે કેટલાક સમય અગાઉ તૈયાર થયેલી પ્રમોશનની યાદીમાં તેમનું નામ હતું. પ્રમોશન બાદ જસ્ટિસ ખત્રી જિલ્લા ન્યાયાધીશ બની જશે.

નવી દિલ્હીઃ ફિલ્મ અભિનેતા સલમાન ખાનને 1998ના કાળિયાર શિકાર કેસમાં દોષિત ઠેરવતા જોધપુરની અદાલતે પાંચ વર્ષની જેલની સજા ફટકારી હતી. તે સિવાય સલમાન ખાન પર 10 હજાર રૂપિયાનો દંડ ફટકાર્યો હતો. 20 વર્ષ જૂના આ કેસમાં સુનાવણી કરતા જસ્ટિસ દેવકુમાર ખત્રીએ સલમાન ખાન સિવાય સૈફઅલી ખાન, નીલમ, તબ્બૂ, અને સોનાલી બેન્દ્રેને નિર્દોષ જાહેર કર્યા હતા. આ ચુકાદા બાદ જસ્ટિસ દેવકુમાર ખત્રી ચર્ચામાં છે. અહી સલમાન ખાનને સજા આપનારા જસ્ટિસ દેવકુમાર ખત્રી કોણ છે તેની જાણકારી આપવામાં આવી છે.

નોંધનીય છે કે સલમાન ખાનને જોધપુરની જેલમાં રાખવામાં આવ્યો છે. આજે સલમાન ખાનની જામીન અરજી પર સુનાવણી હાથ ધરાશે.

કોર્ટમાં સલમાન ખાનની સજા પર દલીલ કરતા તેમના વકીલે કહ્યું હતું કે, આ મામલામાં બાકી તમામ આરોપીઓને નિર્દોષ મુક્ત કરવામા આવ્યા છે તો સલમાન ખાનને પણ ઓછી સજા કરવામાં આવે. જેના પર જસ્ટિસ ખત્રીએ કહ્યું કે, સલમાન ખાનનો છેલ્લો રેકોર્ડ પણ સારો રહ્યો નથી. સલમાન ખાનને હિટ એન્ડ રન કેસમાં પણ પાંચ વર્ષની સજા સંભળાવી છે. તેને સજા આપવામાં જ આવશે.