કોયંબતૂરઃ દારૂની દુકાન બંધ કરવાના વિરોધમાં રસ્તા પર ઉતરી મહિલાઓ

મહિલાઓનું કહેવું છે કે, દારૂ પીવા માટે પુરુષોએ દૂર જવું પડશે. એવામાં તેમના જીવ સામે જોખમ ઉભું થઈ શકે છે. આ પ્રદર્શન તમિલાનાડુમાં દારૂની દુકાનો વિરૂદ્ધ ચાલતા રાજ્યવ્યાપી પ્રદર્શનથી બિલકુલ જુદું છે. તમિલનાડુમાં રહેણાંક વિસ્તારમાંથી દારૂની દુકાનો હટાવવા માટે ઘણીવખત પ્રદર્શનની વાત સામે આવતી રહી છે.

ઘટના તિરપુર જિલ્લાના થનીરપંડાલ ગામની છે. ગુરુવારે અંદાજે 50 મહિલાઓના એક ગ્રુપે દારૂની દુકાન બંધ કરવાના વિરોધમાં રોડ રોકો પ્રદર્શન કર્યું. પોલીસે જણાવ્યું કે, મહિલાઓનો તર્ક હતો કે જો ગામમાંથી દારૂની દુકાન હટાવવામાં આવશે તો તેમના પુરુષોની સુરક્ષા જોખમમાં મુકાશે.

કોયંબતૂરઃ આજ સુધી તમે એવું સાંભળ્યું હશે કે દારૂની દુકાનો બંધ કરાવવા માટે મહિલાઓએ પ્રદર્શન કર્યું હોય પરંતુ કોયંબતૂરમાં આનાથી ઉલટું જોવા મળ્યું છે. અહીં મહિલાઓએ દારૂની દુકાન બંધ કરવા વિરૂદ્ધ અભિયાન છેડ્યું છે. તેના માટે મહિલાઓએ એક અલગ જ તર્ક આપ્યો છે.