Navratri 2023 Vrat Recipe Mixed Fruit Raita: મા દુર્ગાના ભક્તો નવરાત્રીના ઉપવાસની આતુરતાથી રાહ જુએ છે. આ વર્ષે ચૈત્ર નવરાત્રીના ઉપવાસ 22 માર્ચથી શરૂ થશે અને 30 માર્ચ સુધી ચાલશે. નવરાત્રિના આ નવ દિવસોમાં માતાના ભક્તો તેના નવ સ્વરૂપોની પૂજા કરે છે અને માતાને પ્રસન્ન કરવા ઉપવાસ કરે છે. આ વ્રતમાં ભોજનને લઈને ઘણા નિયમો બનાવવામાં આવ્યા છે. જેનું પાલન કરવું ખૂબ જ જરૂરી છે. આવી સ્થિતિમાં જો તમે પણ નવરાત્રિના ઉપવાસ દરમિયાન સ્વાસ્થ્ય અને સારો સ્વાદ બંને જાળવી રાખવા માંગતા હોવ તો મિક્સ ફ્રુટ રાયતું અજમાવો. મિક્સ ફ્રુટ રાયતા એ ઉપવાસ માટે ખૂબ જ સ્વાદિષ્ટ અને પૌષ્ટિક રેસીપી છે.


 


મિક્સ ફ્રુટ રાયતા બનાવવા માટેની સામગ્રી-


-3 મોટી વાટકી દહીં


-1 વાટકી કેરીના નાના ટુકડા


-1 વાટકી સમારેલી દ્રાક્ષ


-1 વાટકી બારીક સમારેલ ચીકુ


- 1 વાટકી બારીક સમારેલ પાઈનેપલ


- 1 વાટકી સમારેલું કેળું


-2 સફરજન


- 1 વાટકી દાડમ


-1 ચમચી ખાંડ


-1/5 ચમચી કાળા મરી


-1 ચમચી જીરું પાવડર


-10 ગ્રામ કાજુ


-10 ગ્રામ કિસમિસ


- 10 ગ્રામ બદામ


-10 ગ્રામ પિસ્તા


મીઠું સ્વાદ મુજબ


મિક્સ ફ્રુટ રાયતું બનાવવાની સરળ રીત-


મિક્સ ફ્રુટ રાયતા બનાવવા માટે સૌ પ્રથમ એક બાઉલમાં દહીં નાખીને બરાબર હલાવી લો. આ પછી તેમાં કાળા મરી અને ખાંડ નાખીને બંને વસ્તુઓને બરાબર હલાવી લો. જ્યારે આ બંને વસ્તુઓ બરાબર મિક્સ થઈ જાય તો તેમાં બધા ઝીણા સમારેલા ફળો નાખો. રોક મીઠું ઉમેરો અને સારી રીતે મીક્ષ કરી દો. જ્યારે આ બધી વસ્તુઓ બરાબર મિક્સ થઈ જાય, ત્યારે તેને થોડીવાર ઠંડુ થવા માટે ફ્રીજમાં રાખો. આ મિશ્રણને ફ્રિજમાંથી બહાર કાઢી તેમાં ઝીણી સમારેલી બદામ, સમારેલા કાજુ, ઝીણી સમારેલી કિસમિસ, સમારેલા પિસ્તા ઉમેરીને બરાબર હલાવી મીક્ષ કરી બાજુ પર રાખો. હવે ફ્રૂટ રાયતાને સર્વ કરતા પહેલા દાડમના દાણાથી ગાર્નિશ કરો.


આ પણ વાંચો: Recipe: ઓટ્સના લોટથી બનેલી રોટલીને બનાવવી છે સોફ્ટ, તો આ એક ટ્રિક જરૂરથી અજમાવો


How to Make Oats Roti Soft: જો ઓટ્સ રોટલી બનાવવામાં કોઈ સમસ્યા હોય અને વણતી વખતે ફાટી જાય તો આ એક ટ્રિક અજમાવો. આનાથી રોટલીને વણતી વખતે સરળતા રહેશે અને એકદમ સોફ્ટ બનશે.


અનાજમાં ઘઉંના લોટની રોટલી બનાવવી એ સૌથી સરળ છે. કારણ કે તેમાં ઘણું ગ્લુટેન હોય છે જેના કારણે તેને બાંધવામાં સરળતા રહે છે. જેના કારણે ઘઉંના લોટની રોટલી વણવી સરળ છે. ઓટ્સ, જુવાર, બાજરી જેવા અનાજની રોટલી બનાવવી મુશ્કેલ છે. કારણ કે તે રોટલીના લોટની જેમ સરળ રીતે વણાતી નથી. ઓટ્સની રોટલી રોલ કરી લીધા બાદ તે કડક થઈ જાય છે અને કિનારીઓ ફાટી જાય છે. એટલું જ નહીં તેમનો સ્વાદ પણ સારો નથી હોતો. જો તમારી સાથે પણ આવું વારંવાર થતું હોય તો ઓટ્સ રોટલી બનાવવા માટે આ ટ્રિક્સ અપનાવો.


ઓટ્સ રોટલીને સોફ્ટ બનાવવાની ટ્રીક



  • સૌપ્રથમ ઓટ્સને મિક્સરમાં નાખીને બારીક પાવડર બનાવી લો.

  • હવે પેનમાં લગભગ એક કપ પાણી નાંખો અને તેને ગરમ કરો.

  • પાણી ગરમ થાય એટલે તેમાં એક ચમચી ઘી નાખીને પીગળી લો.

  • હવે આ ઘી મિશ્રિત પાણીમાં ઓટ્સનો લોટ ઉમેરો અને તેને ચમચીની મદદથી સારી રીતે મિક્સ કરો.

  • ગેસની ફ્લેમ બંધ કરીને તેને ઢાંકીને લગભગ અડધો કલાક રહેવા દો.

  • નિયત સમય પછી લોટને સારી રીતે મસળી લો અને તેને નરમ બનાવો.

  • હવે રોટલી બનાવી લો અને તેને બંને તરફ સારી રીતે પલટીને બંને બાજુથી બેક કરી લો.


ખાસ ટીપ્સ


જો તમે ઓટ્સ રોટલી બનાવ્યા પછી રાખવા માંગતા હોવ તો તેને કપડામાં લપેટીને હોટકેસમાં રાખો. આનાથી રોટલી લાંબા સમય સુધી નરમ રહેશે.