Hair Care Tips:નારિયેળ પાણી આપણા સ્વાસ્થ્ય માટે ફાયદાકારક છે. તેને પીવાથી શરીર સંપૂર્ણ રીતે તાજગી અનુભવે છે. પરંતુ, શું આપ જાણો છો કે, તે સ્વાસ્થ્યની સાથે સાથે વાળ માટે પણ ખૂબ જ ફાયદાકારક છે. તે વાળને સ્વસ્થ રાખવામાં મદદ કરે છે. શિયાળામાં સામાન્ય રીતે લોકોને વાળ ખરવાની સમસ્યા રહે છે. તેનું સૌથી મોટું કારણ ડેન્ડ્રફની સમસ્યા છે. શિયાળાની ઋતુમાં વાળ ઘણીવાર શુષ્ક અને નિર્જીવ થઈ જાય છે.આથી નાળિયેર પાણી વાળને હાઇડ્રેટ રાખવામાં મદદ કરે છે.
નારિયેળ પાણીના નિયમિત ઉપયોગથી વાળની સ્થિતિસ્થાપકતા વધે છે. તેનાથી વાળ નિર્જીવ નથી થતા. આ સાથે વાળ સરળતાથી તૂટતા નથી. નાળિયેર પાણીની માલિશ કરવાથી વાળ મજબૂત થાય છે.
આ સાથે નાળિયેર પાણી વાળને આંતરિક પોષણ આપીને વાળની ખંજવાળને શાંત કરે છે. તે વાળના મૂળને પોષણ આપવામાં અને તેમને હાઇડ્રેટેડ રાખવામાં મદદ કરે છે. તે ડેન્ડ્રફની સમસ્યાને દૂર કરવામાં પણ કારગર છે.
નિર્જીવ અને શુષ્ક વાળની સમસ્યા શિયાળામાં સામાન્ય છે. આવી સ્થિતિમાં, નાળિયેર પાણીના ઉપયોગથી વાળની ક્વોલિટી મૂળમાંથી સુધરે છે. નારિયેળ પાણી અને તેલ બંને વાળ તૂટતા અટકાવે છે. તે વાળને ગૂંચવા દેતું નથી અને તે નરમ અને ચમકદાર બને છે.
આપને જણાવી દઈએ કે, નારિયેળ પાણીમાં એન્ટી ઇંફ્લેમેટરી ગુણ જોવા મળે છે. જે વાળના મૂળમાં ઘણા પ્રકારના ચેપને દૂર કરવામાં મદદ કરે છે. તે વાળને સ્વસ્થ અને ચમકદાર બનાવવામાં મદદ કરે છે.
વાળને સોફ્ટ અને ગ્લોઇંગ કરવાની કારગર ટિપ્સ
નારિયેળ પાણીથી વાળના મૂળમાં માલિશ કરવાથી સાંધામાં રક્ત પરિભ્રમણ વધે છે, જે વાળને પોષણ આપવામાં મદદ કરે છે, જેના કારણે વાળ ઝડપથી વધે છે.
નારિયેળ પાણી સાથે લીંબુનો ઉપયોગ પણ ખૂબ જ ફાયદાકારક માનવામાં આવે છે.
તમે લીંબુમાં નારિયેળ પાણી મેળવીને માથાની ચામડી પર લગાવી શકો છો. 20 મિનિટ પછી વાળને હુંફાળા પાણીથી ધોઈ લો.
નારિયેળ પાણી સાથે એપલ સાઇડર વિનેગર પણ ખૂબ જ ફાયદાકારક માનવામાં આવે છે.
1 કપ નારિયેળ પાણીમાં 1 ચમચી એપલ સાઇડર વિનેગર મિક્સ કરો. 10 મિનિટ પછી આ સોલ્યુશનને વાળમાં લગાવીને રહેવા દો. ત્યાર બાદ વાળને હૂંફાળા પાણીથી ધોઈ લો. તમારા વાળ ચમકદાર બની જશે.