શરીરમાં ઝડપથી વધશે વિટામિન-B12, આજથી જ પીવાનું શરુ કરો આ દાળનું પાણી 

આપણા શરીર માટે બધા પ્રકારના વિટામિન અને મિનરલ્સ ખૂબ જ મહત્વપૂર્ણ છે. ઘણા આપણા શરીરમાં જ ઉત્પન્ન થાય છે અને તેની સાથે આપણો ખોરાક પણ તેને વધારવામાં મદદ કરે છે.

પ્રતિકાત્મક તસવીર

Source : તસવીર સોશિયલ મીડિયા

Vitamin B12 Deficiency: આપણા શરીર માટે બધા પ્રકારના વિટામિન અને મિનરલ્સ ખૂબ જ મહત્વપૂર્ણ છે. ઘણા આપણા શરીરમાં જ ઉત્પન્ન થાય છે અને તેની સાથે આપણો ખોરાક પણ તેને વધારવામાં મદદ કરે છે. આપણા શરીરમાં કોઈપણ પ્રકારના વિટામિન અને મિનરલ્સનો અભાવ ઘણી સ્વાસ્થ્ય સમસ્યાઓનું કારણ બની શકે છે.     

આજે આપણે એક એવા વિટામિન વિશે વાત કરીશું, જેનો અભાવ ઘણી સમસ્યાઓનું કારણ બની શકે છે. વિટામિન B12 એક એવું તત્વ છે જે આપણા કોષોમાં DNA બનાવવા અને ઉર્જા ઉત્પન્ન કરવા માટે જરૂરી છે. તેની ઉણપને કારણે આપણા શરીરને થાક, નબળાઈ અને એનિમિયા જેવી સમસ્યાઓનો સામનો કરવો પડે છે. આ સાથે શરીરમાં સોજો પણ આવે છે. જો તમે વિટામિન B12 ની ઉણપને દૂર કરવા માટે ઘરેલું ઉપચાર અપનાવવા માંગતા હોય તો તમે આ વસ્તુને આહારમાં સામેલ કરી શકો છો.     

જ્યારે શરીરમાં વિટામીન B12 ની ઉણપ હોય છે, ત્યારે ઘણા પ્રકારના શારીરિક અને માનસિક લક્ષણો દેખાવા લાગે છે અને આપણા શરીરની કામગીરીમાં અવરોધ આવવા લાગે છે. આ વિટામિન આપણા સ્વાસ્થ્ય માટે ખૂબ જ જરુરી છે. B12 ની ઉણપને કારણે લાલ રક્તકણોની સંખ્યા ઘટવા લાગે છે, જેના કારણે શરીરમાં ઓક્સિજનનો પુરવઠો ઓછો થઈ જાય છે. આ કારણે વ્યક્તિ ખૂબ જ થાક અને નબળાઈ અનુભવે છે. આ સ્થિતિને એનિમિયા તરીકે પણ ઓળખવામાં આવે છે.    

વિટામિન B12 માટે મગની દાળનું સેવન કેવી રીતે કરવું

વિટામિન B12 ની ઉણપને દૂર કરવા માટે તમે મગની દાળનું પાણી પી શકો છો. આ દાળમાં વિટામિન B12 પુષ્કળ પ્રમાણમાં જોવા મળે છે. દરરોજ તેનું સેવન કરવાથી આ વિટામિનની ઉણપને દૂર કરવામાં મદદ મળી શકે છે.

કેવી રીતે સેવન કરવું

તમને જણાવી દઈએ કે રાત્રે સૂતા પહેલા એક કપ મગની દાળને સારી રીતે ધોઈને સાફ કરી લો અને તેને પાણીમાં પલાળી દો. સવારે જ્યારે દાળ સારી રીતે પલળી જાય ત્યારે તમે આ પાણીનું સેવન કરી શકો છો. આ ઉપરાંત, તમે બાકીની દાળમાં ડુંગળી અને લીંબુ ઉમેરીને પણ સેવન કરી શકો છો.