Dieting Risk : શું ડાયટિંગ કરવાથી કોઇનું મોત થઈ શકે છે? અજીબ લાગશે પરંતુ કેરળમાં કંઈક આવું જ બન્યું છે. જ્યાં એક 18 વર્ષની યુવતીનું પતળા થવાના ક્રેઝે  જીવન લઇ લીઘું,  કન્નુરના કુથુપરમ્બાની રહેવાસી શ્રીનંદામૃતકા શ્રીનંદા, ઓનલાઈન પ્લેટફોર્મ પર વીડિયો જોયા બાદ સ્ટ્રીક્ટ ડાયટ ફોલો કરતી હતી. તેણે ઘણા દિવસોથી ખાવાનું બંધ કરી દીધું હતું. વજન ઘટાડવા માટે તે સતત સખત કસરત કરતી હતી અને લિક્વિડ ડાયટ પર હતી. આ કારણે તેનું શરીર નબળું પડી ગયું હતું અને તેની તબિયત ખરાબ થઈ ગઈ હતી. જે બાદ તેને હોસ્પિટલ લઈ જવામાં આવી હતી. જ્યાં તેને વેન્ટિલેટર સપોર્ટ પર રાખવામાં આવ્યો હતો પરંતુ તેને બચાવી શકાઇ નહી.


ડાયટિંગથી કેવી રીતે મૃત્યુ થયું


ડોક્ટરોએ જણાવ્યું કે, આ યુવતીનું વજન માત્ર 24 કિલો હતું. તે એટલી નબળી પડી ગઈ હતી કે તે પથારીમાંથી ઊઠી પણ શકતી નહોતી. તેમનું શુગર લેવલ, સોડિયમ અને બ્લડ પ્રેશર સતત ઘટવા લાગ્યું. વેન્ટિલેટર પર પણ તેમની સ્થિતિમાં કોઈ સુધારો થયો ન હતો અને રવિવારે તેમનું મૃત્યુ થયું હતું.


 તબીબોના જણાવ્યા અનુસાર યુવતી એનોરેક્સિયા નામની બીમારીથી પીડિત હતી. આ એક પ્રકારનો માનસિક વિકાર છે, જેમાં વજન અને ખાવાની આદતોને લઈને ઘણી ચિંતા રહે છે. આ રોગથી પીડિત વ્યક્તિને લાગે છે કે તેનું વજન વધારે છે અને તેને ખાવાનું ટાળવું જોઈએ..


એનોરેક્સિયાના લક્ષણો શું છે                                                            



  1. સ્થૂળતા અને વજન વધવાથી હંમેશા ચિંતિત રહે છે

  2. શરીરના આકારમાં બગાડની ચિંતા રહેવી


 ઉંમર પ્રમાણે વજન જાળવવામાં અસમર્થતા


 આખો દિવસ ભૂખ્યું રહેવું ડાયટિંગ કરવું


 પીરિયડ્સ સમયસર ન આવવા


 પાર્ટીમાં મિત્રોથી અંતર રાખવું


 તમારું વજન વારંવાર તપાસતા રહવું


 વધુ પડતી કસરત કરવી


 એનોરેક્સિયાનો ખતરો 


ડૉક્ટર્સ કહે છે કે, એનોરેક્સિયા ડિસઓર્ડર યુવક  કરતાં છોકરીઓને વધુ અસર કરે છે. 13 થી 30 વર્ષની વય સુધી મહિલાઓમાં  વધુ જોખમ હોય છે.  95% સ્ત્રીઓ આ રોગથી પ્રભાવિત થાય છે.