Heatwave:અરબી સમુદ્રમાં સર્જાયેલી એન્ટીસાયક્લોન સિસ્ટમના કારણે  ગુજરાતમાં સૂકા પવન આવતા હોવાથી હિટવેવની સ્થિતિ સર્જાઇ છે અને આકરી ગરમી પડી રહી છે. અમદાવાદથી લઇને રાજકોટ, સુરેન્દ્રનગરની આસપાસના વિસ્તારમાં આકરી ગરમીનું અનુમાન છે. ઉત્તર ગુજરાત, સૌરાષ્ટ્ર, કચ્છમાં આગામી 4 દિવસ હિટવેવની આગાહી કરી છે. ગુજરાતના મોટાભાગના વિસ્તારમાં 45 ડિગ્રી સુધી તાપના પહોચે તેવી શકયતા છે. 17 એપ્રિલથી 20 એપ્રિલ સુધી ગુજરાતમાં પવનની ગતિ પણ વધશે.

ક્યાં વધારે ગરમી

  • અમદાવાદ9
  • ગાંધીનગર5
  • રાજકોટ2
  • ભાવનગર2
  • ડીસા1
  • વડોદરા8
  • ભુજ8
  • સુરત1

હવામાન વિભાગે ગરમીને લઈ ચાર જિલ્લામાં યલો એલર્ટ જાહેર કર્યું છે. રાજકોટ, કચ્છ, બનાસકાંઠા અને સાબરકાંઠામાં ગરમીનું યલો એલર્ટ અપાયું છે. રાજ્યના ચાર જિલ્લામાં હવામાન વિભાગે હિટવેવની  આગાહી કરી છે.  સોમવારે 42.9 ડિગ્રી ગરમી સાથે અમદાવાદ હોટેસ્ટ સીટી રહ્યું તો રાજ્યના અનેક શહેરો અગનભઠ્ઠીમાં શેકાયા હતા.  રાજકોટ, સુરેંદ્રનગર, વડોદરામાં આગ ઝરતી ગરમીએ લોકોને અકળાવી દીધા છે. આકરા તાપના કારણે રસ્તાઓ સૂમસામ જોવા મળી રહ્યાં છે.

અન્ય રાજ્યોની વાત કરીએ તો દિલ્હી-NCR સહિત સમગ્ર ઉત્તર ભારતમાં ગરમીએ કહેર મચાવવો શરૂ કરી દીધો છે. રાજસ્થાનમાં ગરમીનો પારો 45 ડિગ્રીને પાર પહોંચી ગયો છે. રાજસ્થાનના બાડમેરમાં મહત્તમ તાપમાન 45.4 ડિગ્રી સેલ્સિયસ નોંધાયું હતું. એપ્રિલ મહિનાના મધ્યમાં આકરી ગરમીએ એલર્ટ આપવાનું શરૂ કર્યું છે કે આ વખતે ગરમી પોતાનો પ્રકોપ બતાવશે. હવે દિલ્હી-એનસીઆરમાં પણ તાપમાનમાં વધારો નોંધાવા લાગ્યો છે. આજે દિલ્હી-NCRનું મહત્તમ તાપમાન 37 ડિગ્રી સેલ્સિયસ થવા જઈ રહ્યું છે, જે આવતીકાલે વધીને 39 ડિગ્રી થઈ જશે. ગુરુવારે તાપમાનમાં વધુ 2 ડિગ્રીનો વધારો થવા જઈ રહ્યો છે, ત્યારબાદ દિવસનું મહત્તમ તાપમાન 41 ડિગ્રી સેલ્સિયસ પર પહોંચી જશે. મતલબ કે દિલ્હી-એનસીઆરમાં ગરમીના કારણે લોકોને રસ્તા પર બહાર નીકળવું મુશ્કેલી બની જશે.

રાજધાની દિલ્હીમાં આજે ગરમીનો પારો વધવા જઈ રહ્યો છે. પાટનગરમાં આજે દિવસભર આકરો  તડકો રહેશે અને મહત્તમ તાપમાન 37 ડિગ્રી રહેશે. દિલ્હીમાં દિવસ દરમિયાન 10 થી 15 કિલોમીટરની ઝડપે જોરદાર પવન ફૂંકાશે. જો કે આનાથી હવામાનમાં બહુ ફરક પડવાનો નથી. રાત્રિનું લઘુત્તમ તાપમાન 26 ડિગ્રી સેલ્સિયસ રહી શકે છે. દિલ્હી સિવાય અન્ય રાજ્યોની વાત કરીએ તો, બિહાર, ઝારખંડ, પશ્ચિમ બંગાળ, ઓડિશા, દરિયાકાંઠાના આંધ્ર પ્રદેશ, તમિલનાડુ, કેરળ તેમજ આંદામાન અને નિકોબાર ટાપુઓમાં હળવાથી મધ્યમ વરસાદની અપેક્ષા છે. તેમજ કર્ણાટક, દક્ષિણ છત્તીસગઢ અને ઉત્તરપૂર્વ ભારતમાં હળવો વરસાદ પડી શકે છે.