National Tequila Day: દારૂ પીનારા લોકો પાસે અલગ અલગ પ્રકારના ડ્રિંક છે. આમાં એક ડ્રિંક છે ટકીલા. યુવાઓમાં આ ડ્રિંક સૌથી વધુ પસંદ કરવામાં આવે છે. વિશ્વ 24મી જુલાઈના રોજ વર્લ્ડ ટકીલા ડે મનાવે છે. આવો હવે અમે તમને જણાવીએ કે આ ડ્રિંક કેવી રીતે બને છે અને તે કેટલુ પીધા પછી વ્યક્તિનું મોત થઇ શકે છે. આ સાથે અમે તમને એ પણ જણાવીશું કે આખરે તેને પીધા પછી લીંબુ અને મીઠું શા માટે ખાવામાં આવે છે.
કેવી રીતે બને છે ટકીલા
ટકીલા મેક્સિકોનું સૌથી લોકપ્રિય ડ્રિંક છે. તેને બનાવવા માટે એક ખાસ ફળ Blue Agave Plantનો ઉપયોગ કરવામાં આવતો હતો. ખેડૂતો પહેલા આ ફળની ખેતી કરે છે અને પછી તેને ટકીલા બનાવતી કંપનીઓને વેચે છે. કંપનીઓ પહેલા આ ફળો એકત્રિત કરે છે. આ પછી આ ફળોના પ્રોસેસિંગનું કામ શરૂ થાય છે. અવાગે નામના આ ફળોને પછી મશીનો દ્વારા કટ કરવામાં આવે છે અને પછી તેનો રસ કાઢવામાં આવે છે. આ ફળોના રસને અનેક મશીનોમાંથી પસાર કરીને ડિસ્ટિલ કરવામાં આવે છે. બાદમાં જ્યારે આ રસ સંપૂર્ણપણે ટકીલાના ફોર્મમાં આવી જાય છે તો તેને બોટલોમાં ભરવામાં આવે છે.
ટકીલા પીધા પછી લોકો શા માટે લીંબુ-મીઠું ચાટે છે?
ટકીલાને સામાન્ય દારૂની જેમ પીવામાં આવતો નથી. તે વોડકા જેવા શોટમાં પીવામા આવે છે. ટકીલામાં આશરે 40 ટકા આલ્કોહોલ ધરાવે છે. આ જ કારણ છે કે તે ખૂબ જ સ્ટ્રોંગ હોય છે. તેને પીવા માટે પહેલા શોટ લેવામાં આવે છે અને પછી લીંબુ મીઠું ચાટવામાં આવે છે. આવું એટલા માટે કરવામાં આવે છે જેથી તેની કડવાશ જીભથી દૂર થઇ જાય. જો તમે ટકીલાને પીધા બાદ લીંબુ- મીઠું ચાટતા નથી તો તમને ઉલટી પણ થઇ શકે છે
કેટલા શૉટ પીધા પછી વધુ ન પીવું જોઈએ?
જો કે આલ્કોહોલ પીવો સ્વાસ્થ્ય માટે હાનિકારક છે, પરંતુ જો તમે પીતા હોવ તો તમારે મર્યાદામાં પીવું જોઈએ. આખરે ટકીલાના કેટલા શૉટ પીધા પછી તમારો જીવ જોખમમાં મુકાઇ શકે છે. નિષ્ણાતોના મતે, જો તમે એક દિવસમાં 50 થી વધુ શૉટ પીતા હોવ તો તમારો જીવ જોખમમાં મુકાઇ શકે છે. તેથી ટકીલા પીતી વખતે તમારે ઘણી બાબતોનું ધ્યાન રાખવું પડશે.