Skin Care Tips: રાત્રે સૂતા પહેલા ક્યારેય ન કરો આ 3 ભૂલો; ત્વચા અકાળે થવા લાગશે વૃદ્ધ

Skin Care Tips: દરેક વ્યક્તિ ઈચ્છે છે કે તેની સ્કીન હંમેશા હેલ્ધી, સ્મૂધ અને યંગ દેખાય. આ માટે લોકો મોંઘા બ્યુટી પ્રોડક્ટ્સ ખરીદે છે, સારો ડાયેટ લે છે અને રોજ 7-8 કલાકની ઊંઘ પણ પૂરી કરે છે. પરંતુ ઘણીવાર લોકોની ફરિયાદ હોય છે કે આટલું બધું કરવા છતાં પણ સ્કીન ડ્રાય અને ડલ દેખાય છે.

સ્કીન કેર ટિપ્સ

Source : ChatGPT

Show Quick Read

Key points generated by AI, verified by newsroom

• મોડી રાત્રે મોબાઈલ પાસે રાખી સૂવાથી ત્વચા વૃદ્ધ દેખાય છે.
• આખી રાત AC ચાલુ રાખવાથી ત્વચાનો ભેજ ઘટે છે.
• રાત્રે મોડું જમવાથી ત્વચાના કોષો રિપેર થતા નથી.

Skin Care Tips: દરેક વ્યક્તિ ઈચ્છે છે કે તેની સ્કીન હંમેશા હેલ્ધી, સ્મૂધ અને યંગ દેખાય. આ માટે લોકો મોંઘા બ્યુટી પ્રોડક્ટ્સ ખરીદે છે, સારો ડાયેટ લે છે અને રોજ 7-8 કલાકની ઊંઘ પણ પૂરી કરે છે. પરંતુ ઘણીવાર લોકોની ફરિયાદ હોય છે કે આટલું બધું કરવા છતાં પણ સ્કીન ડ્રાય અને ડલ દેખાય છે અથવા ઉંમર પહેલા જ સ્કીન પર એજિંગના ચિહ્નો દેખાવા લાગ્યા છે. જો તમે પણ આ લોકોમાંથી એક છો, તો તમને જણાવી દઈએ કે આની પાછળ તમારી કેટલીક સામાન્ય આદતો જવાબદાર હોઈ શકે છે. નિષ્ણાતોના મતે સૂતી વખતે કરવામાં આવતી 3 ભૂલો સ્કીનને સમય પહેલા જ ઘરડી બનાવે  છે. ચાલો જાણીએ કઈ છે આ આદતો અને તેનાથી કેવી રીતે બચી શકાય.

 

સૂતી વખતે ક્યારેય ન કરો આ 3 ભૂલો:

નંબર 1- માથા પાસે મોબાઈલ રાખીને સૂવું:

મોટાભાગના લોકો સૂતી વખતે ફોન વાપરે છે અને પછી મોબાઈલને તકિયા પાસે રાખીને જ સૂઈ જાય છે. નિષ્ણાતો જણાવે છે કે, તમારી આ આદત તમારી સ્કીનને સીધું નુકસાન પહોંચાડે છે. મોબાઈલમાંથી નીકળતા EMF રેડિયેશન ફ્લાઈટ મોડમાં પણ શરીર પર અસર કરી શકે છે. આનાથી મેલાટોનિન હોર્મોન પ્રભાવિત થઈ શકે છે. મેલાટોનિન માત્ર સારી ઊંઘ માટે જ જરૂરી નથી, પરંતુ તે શરીર અને સ્કીનના રિપેરિંગમાં પણ મહત્વની ભૂમિકા ભજવે છે. આ હોર્મોનમાં માત્ર 30% નો ઘટાડો થવાથી પણ તમારી ત્વચા 10 વર્ષ સુધી ઘરડી દેખાઈ શકે છે. આવામાં હંમેશા તમારા મોબાઈલને બેડથી થોડો દૂર રાખીને સૂવો.

નંબર 2- આખી રાત AC ચાલુ રાખીને સૂવું:

ઉનાળામાં કે ગરમીમાં AC વગર સૂવું મુશ્કેલ લાગે છે, પરંતુ આખી રાત AC ચલાવવાથી રૂમની હવા ડ્રાય થઈ જાય છે. વળી, સતત 7 થી 8 કલાક સુધી આવી સૂકી હવામાં રહેવાથી સ્કીન પોતાનો ભેજ ગુમાવવા લાગે છે. આનાથી ત્વચા રૂક્ષ થઈ જાય છે અને સમય જતાં કરચલીઓ, ફાઈન લાઈન્સ અને ડાર્ક સર્કલ જેવી સમસ્યાઓ વધી જાય છે. તેથી રાતભર AC ચલાવવાનું ટાળો. જો AC ચલાવવું જરૂરી જ હોય, તો રૂમમાં પાણીથી ભરેલી ડોલ કે મોટું વાસણ મૂકી દો. આનાથી રૂમમાં થોડો ભેજ જળવાઈ રહેશે.

નંબર 3- રાત્રે મોડેથી જમવું:

આ બધાથી અલગ જો તમે રોજ રાત્રે 9 વાગ્યા પછી જમો છો, તો આ આદતને પણ બદલવાની જરૂર છે. ડોક્ટરના જણાવ્યા અનુસાર, સૂવાના શરૂઆતના થોડા કલાકોમાં બોડીનો રિપેર મોડ ઓન થાય છે. ગ્રોથ હોર્મોન રિલીઝ થાય છે, જે સ્કીનના નવા કોષો બનાવવા અને તેને હેલ્ધી રાખવામાં મદદ કરે છે. પરંતુ જ્યારે તમે મોડેથી જમો છો, ત્યારે શરીરનો મોટાભાગનો સમય ખોરાક પચાવવામાં જતો રહે છે. આવા સમયે સ્કીનને રિપેર થવાનો પૂરો સમય મળી શકતો નથી અને ત્વચા પર સમય પહેલા જ ઘડપણ દેખાવા લાગે છે.

ડોક્ટર જણાવે છે કે, ખૂબસૂરત, હેલ્ધી અને યંગ દેખાતી સ્કીન માત્ર મોંઘા પ્રોડક્ટ્સ લગાવવાથી નથી મળતી, પરંતુ તમારી રોજની આદતો પણ આમાં મોટી ભૂમિકા ભજવે છે. સારી લાઈફસ્ટાઈલ અપનાવવી એ જ સુંદર ત્વચા મેળવવાનો સૌથી સરળ અને અસરકારક રસ્તો છે.

(Disclaimer: આ સમાચારમાં આપવામાં આવેલી માહિતી સામાન્ય સંશોધન અભ્યાસો અને નિષ્ણાતોના અભિપ્રાય પર આધારિત છે. આ કોઈપણ તબીબી સલાહનો વિકલ્પ નથી. કોઈપણ નવો ફેરફાર કે નવી પ્રવૃત્તિ શરૂ કરતા પહેલા હંમેશા તમારા ડૉક્ટર અથવા સંબંધિત આરોગ્ય નિષ્ણાતની સલાહ અવશ્ય લો.)

આ પણ વાંચો

દરરોજ અજમાનું પાણી પીવાથી શું ફાયદા થશે? જાણીને તમે પણ ચોંકી જશો

દરરોજ અજમાનું પાણી પીવાથી શું ફાયદા થશે? જાણીને તમે પણ ચોંકી જશો